Watoto yatima Sengerema wakabidhiwa vifaa vya shule vyenye thamani Tsh 40m

 

Meneja mradi wa kusaidia watoto wanaoishi katika mazingira magumu katika kisiwa cha Kome, Bi. Verdiana Vedastusi, akitoa utangulizi juu ya misaada hiyo. [picha na Daniel Makaka ,Sengerema] pia chini ni baadhi ya picha za kukabidhi vifaa hivyo.

Na. Daniel Makaka, Sengerema

SHIRIKA Lisilo la Kiserikali la Goodneigbours la jijini Mwanza limetoa mahitaji ya shule na matumizi ya nyumbani kwa watoto mia saba (700) wanaoishi katika mazingira magumu katika kisiwa cha kome kata ya Nyakasasa Wilayani Sengerema yenye thamani Tsh 40Millioni.

Akikabidhi vifaa hivyo  Meneja Mradi wa kusaidia watoto hao  kupitia shirika hilo,  Bi,Verdiana  Vedastu  amesema kuwa lengo la kusaidia watoto hao ni kuwasaidia katika masomo yao na kupata elimu itakaowasaidia katika maisha yao ya baadaye na kuwa viongozi bora wa kubadilisha kisiwa cha kome kielimu.

Bi, Verdiana amevitaja  vifaa hivyo kuwa ni  kalamu kumi , mifuko ya madaftari ,sukari kilo mbili, mafuta ya kupikia lita tano,sabuni miche kumi ya kufuria, vichongeo vya kalamu, lura  na unifomu ambapo kila mtoto alipata mgao wake kati ya watoto mia saba wa vijiji vya Nyakasasa na kijiji cha Nfunzi.

 Ameongeza kuwa zoezi hilo ni endelevu ambalo litafanyika hadi mwisho wa mradi huo ambapo ametoa wito kwa jamii hiyo kushirikiana na shirika hilo ili kuwasaidia watoto wanaoishi katika mazingira magumu.

on Tuesday, December 17, 2013