CCM YAIGARAGAZA VIBAYA CHADEMA KWENYE UCHAGUZI MDOGO

CHAMA cha Mapinduzi (CCM) na Chama cha Demokrasia na Maendeleo (CHADEMA), wilayani Kyela, vimechuana vikali kwenye uchaguzi mdogo wa vijiji na vitongoji uliofanywa kuziba nafasi mbalimbali zilizoachwa wazi kutokana na sababu mbalimbali.

Nafasi zilizokuwa zikiwaniwa ni wenyeviti wa vijiji 13 na vitongoji 61 ambapo vyama vya CCM, CHADEMA na TLP vilijitokeza kuwania nafasi hizo ingawa TLP hawajaambulia nafasi yoyote.

Taarifa iliyotolewa na msimamizi wa uchaguzi huo wilaya ya Kyela, Omary Mungi, ilieleza kuwa CCM ilishinda katika vijiji nane na CHADEMA imeshinda katika vijiji vitano na katika nafasi ya vitongoji, CCM wamepata vitongoji 50 na CHADEMA 11.

Chanzo: Tanzania Daima

on Friday, December 21, 2012