| Mama Joyce Mwenda (59) Akichambua Barua zipatazo 20 alizoiandikia Wizara ya Afya Ofisi ya Katibu Mkuu akidai mafao yake bila mafanikio. (Picha na Bryceson Mathias) |
Na Bryceson Mathias, Morogoro
MWANANKE
aliyekuwa mfanyakazi Wizara ya Afya Joyce Mwenda (59) wa Chuo cha
Wauguzi Mirembe Dodoma, na Kupooza baada ya kuambiwa na watendaji wa
afya wizarani kuwa hana Mafao, amelilia Waziri Dk. Hussein Mwinyi,
akimkubusha ombi lake amsaidie alipwe mafao yake.
Mwenda
alijiriwa 1.11.1978 na kupunguzwa kwa waraka watumishi wa Serikali
wa 2004/2005 wa kustaafishwa kwa manufaa ya umma kifungu (24) (1) cha
utumishi wa umma Na.8 ya 2002 kwa barua Kumb. HEC 116/H/173 ya 29.6.2005
kwa ahadi ya kulipwa Haki zake zote.
Akizungumza na
mwandishi wa mtandao huu, Mwenda alisema, aliandika barua ya Malalamiko
dhidi ya Ibara ya Tatu, Nne na Tano ambazo zilitambua utumishi wake kwa
ahadi ya kumlipa Haki zake, kifuta jasho, na iwapo kuna upungufu wa
malipo yalalamikiwe kwa muda usiopungua miezi 12, ambapo alijibiwa hana
Malipo jambo lililomfanya Apooze, na alipoonana na Waziri wa Afya Dk.
Mwinyi wakati wa Bunge lililopita, aliahidi kumsaidia, ndiyo maana
anamlilia.
“Naomba upitie
tena kukokotoa mafao yangu ili nipate stahili sahihi ninayostahili kwa
utumishi wangu wa Miaka 26 na Miezi Saba”.alisema Mwenda akimtaka
mwajiri amlipe akitumia mshahara wa mpya wa cheo kipya wa 118,240/=
badala ya 115,640/= wa cheo cha awali.
Mwenda ambaye
pia ameharibika macho, hajalipwa Pensheni yake yote (PPF) mpaka sasa
tangu 2005, mapunjo, hajalipwa nauli ya familia yake ya Mume na watoto
wake wanne ila nauli yake ya mtu mmoja kwenda Singida, jambo
lililomsononesha na kumsababishia madhara anapolia pindi akikumbuka
majibu ya kamkatisha tama kila anapokwenda.
Barua
ziliyomsababishia madhira aliyonayo hadi sasa ni mbili zilizoandikwa na
aliyedai ni Afisa Utumishi ikiwemo Kumb. Na HE/MP.36118/2 ya Machi 3,
2007 iliyosema…unatakiwa kutuma fomu ya maombi (Salary Area Claim Form)
na kuituma ikiwa “Original na sio Photocopy”, na nyingine iliyosainiwa
na Zaina Mlawa Kny y Katibu Mkuu na kumtamkia maneno makali.
Aidha mbali ya
kuomba wanasheria wamsaidie, Menejimenti ya Utumishi ilimwandikia
Katibu Mkuu wa Wizara ya Afya Kumb. C/BC 255/360/01/39 ya 22.7.10
ilyorejea barua Kumb. FC.332/349/01/130 ya 30.4.2010 iliyosema,
“Malipo ya mafao kwa mtumishi ambaye utumishi wake umekoma, yanapaswa
kuandaliwa na mwajiri na kuwasilishwa wizara ya fedha ili yafanwe”
ilisema sehemu yake iliyosainiwa na L. Dennis Kny ya Katibu Mkuu
(Utumishi.
Post a Comment