Meya
wa Manispaa ya Kinondoni, Mstahiki Yusuph Mwenda alifanya ziara ya uzinduzi wa
Ujenzi wa Daraja la Ndumbwi, Kata ya Mbezi Juu mwishoni mwa wiki iliyopita,
jijini Dar es Salaam. Daraja hilo linalojengwa kwa gharama ya shilingi milioni
211 na kampuni ya ujenzi ya genimex Construction Ltd litasaidia kuondoa kero ya
muda mrefu ya wakazi wa Kata ya Mbezi Juu kufuatia kukatika kwa mawasiliano
baina ya wakazi hao kutokana na mvua za mara kwa mara zilizokuwa zikinyesha.
Aidha, ujenzi wa Daraja jingine lilaounganisha wakazi wa Ndumbwi na Zahanati
utaanza hivi karibuni. Pichani ni sehemu ya ziara yake pamoja na kukagua
maendeleo ya ujenzi wa Daraja hilo.
Mhandisi Mkuu wa Manispaa ya
Kinondoni, Gerald Urio (wa pili kushoto) akimpa maelezo Meya wa Manispaa hiyo,
Yusuph Mwenda (wa tatu kulia) aliyeambatana na viongozi mbalimbali wa Manispaa
hiyo, Serikali za Mitaa na vyama vya siasa, kuhusu maendeleo ya ujenzi wa Daraja
la Mto Ndumbwi, Mbezi Juu, Dar es Salaam wakati wa ziara ya Meya ya uzinduzi wa
ujenzi huo mwishoni mwa wiki. Daraja hilo linajengwa kwa gharama ya shilingi
milioni 211.
Mstahiki meya, Yusuph Mwenda
pamoja na viongozi mbalimbali wa Kata, Serikali ya Mtaa na wa vyama vya siasa
wakikagua ujenzi wa daraja hilo
Mwenyekiti wa Serikali ya Mtaa
wa Ndumbwi, Mbezi Juu, Salustian Kimario (kulia) akimpa maelezo Meya wa Manispaa
ya Kinondoni, Yusuph Mwenda (wa pili kulia) aliyeambatana na viongozi mbalimbali
wa Manispaa hiyo na vyama vya siasa kuhusu maendeleo ya ujenzi wa Daraja la Mto
ndumbwi, Mbezi Juu, jijini Dar es Salaam wakati Meya huyo alipofanya ziara ya
uzinduzi wa ujenzi huo, mwishoni mwa wiki
Mstahiki Meya wa Manispaa ya
Kinondoni, Yusuph Mwenda akizungumza na wajumbe wa Halmashauri Kuu ya CCM, Kata
ya Mbezi Juu mara baada ya uzinduzi wa Daraja la Ndumbwi. Kulia kwake ni
Mwenyekiti wa CCM, Kata ya Mbezi Juu, Alhaj Issa Mwinyimbegu na Diwani wa Kata
ya Hanansif, Abbas Tarimba.
Wajumbe wa Halmashauri Kuu ya
CCM, Kata ya Mbezi Juu wakifuatilia kwa makini
on Wednesday, January 16, 2013
Post a Comment