TANZANIA YASIFIWA KWA KILIMO KWANZA

Tanzania imesifiwa na kuelezewa kuwa mfano wa kuigwa katika Kilimo kufuatia mpango na mkakati wake wa Kilimo nchini maarufu Kama Southern Agricultural Growth Corridor of Tanzania (SAGCOT).

 

Pongezi hizo zimetolewa leo asubuhi katika kikao maalum kujadili na kuangalia mtazamo na mbinu mpya za kuboresha na kuimarisha kilimo, kilichohudhuriwa na viongozi na wadau wa uchumi duniani, wanaohushuria mkutano wa Uchumi katika mji wa Davos, mkutano ambao pia umehudhuriwa na Katibu Mkuu aw Umoja SA Mataifa Ban Ki-Moon.

 

SAGCOT ni mpango wa serikali wa kuimarisha, kukuza na kuboresha kilimo kiweze kuwa cha kisasa zaidi Kwa lengo la kuongeza mavuno na Mapato Kwa ajili ya matumizi ya ndani na nje ya nchi.

 

Mkutano wa leo umetoa pongezi Kwa Tanzania Kwa kuanzisha wazo hilo ambalo nchi zingine barani Afrika zimeuiga na kuanza kuutekeleza katika nchi zao ambapo nchi zingine pia duniani zimeanza kuuelewa na kuanza kuweka mikakati ya kuutekeleza na kuutumia mpango huo ili kuleta mapinduzi ya Kilimo duniani.

 

Hapa nchini Mikoa 6 imeanza utekelezaji  wa mkakati huo katika Mikoa ya 

Dar-Es-Salaam, Pwani, Morogoro, Iringa, Mbeya na Ruvuma, tayari mpango huu umeanza pia kutekelezwa katika mkoa mpya wa Katavi.

on Monday, January 28, 2013