KINACHOENDELEA HIVI SASA KWENYE VIKAO VYA CCM MJINI DODOMA

 

Mwenyekiti wa CCM ,Rais Dkt.Jakaya Mrisho Kikwete,Makamu mwenyekiti wa CCM Bara Ndugu Philip Mangula (kushoto) na Katibu Mkuu wa CCM Ndugu Abdurahman Kinana wakiingia katika ukumbi wa mikutano wa White House uliopo katika makao makuu ya CCM mjini Dodoma leo.Rais Kikwete amefungua na kuongoza semina kwaajili ya wajumbe wa Halmashauri kuu ya CCM taifa ambayo pamoja na mambo mengine itachagua wajume wa Kamati kuu

Wajumbe wa Halmashauri Kuu ya Taifa ya Chama cha Mapinduzi wakiimba nyimbo za chama ndani ya Ukumbi wa Mikutano wa Makao Makuu ya CCM Mjini Dodoma leo kwaajili ya semina na baadae Kikao cha NEC. Kwenye mkutano huo JK amekemea viongozi wanaoendeleza makundi ndani ya chama hicho ndio wanasimamia kujenga migogoro ndani ya chama.

mada nne zinazojadiliwa ni Nafasi ya Wajumbe wa Halmashauri Kuu katika Uongozi pamoja na Maadili ya Viongozi. Nyengine ni mjadala wa Maazimio ya Mkutano Mkuu Maalum wa Chama cha Mapinduzi uliofanyika mwishoni mwa mwaka uliopita pamoja na mkakati wa kukuza ajira Nchini ambalo limo ndani ya ilani ya Uchaguzi ya CCM.

 

Mwenyekiti wa CCM Rais Dkt.Jakaya Mrisho Kikwete akielekeza jambo wakati wa ufunguzi wa Semina maalum kwaajili ya wajumbe wa Halmashauri kuu ya CCM taifa iliyofanyika mjini Dodoma katika ukumbi wa White House makao makuu leo.Kushoto anayesikiliza kwa makini ni Makamu Mwenyekiti Mstaafu wa CCM bara Pius Msekwa.Wengine katika picha ni Rais Wa Zanzibar ambaye pia ni Makamu Mwenyekiti wa CCM Zanzibar Dkt.Ali Mohamed Shein(Wapili kushoto),Katibu Mkuu wa CCM Ndugu Abdurahman Kinana(wanne kushoto), na kulia ni Makamu Mwenyekiti CCm Bara Ndugu Philip Mangula

Baadhi ya wajumbe wa kamati kuu ya CCM taifa wakihudhuria semina maalum iliyofunguliwa na kuongozwa na Mwenyekiti wa CCM Rais Dkt.Jakaya Mrisho Kikwete katika ukumbi wa White House,Makao makuu ya CCM mjini Dodoma.Picha na Freddy Maro.

Spika wa Bunge la Jamuhuri ya Muungano wa Tanzania Mh. Anna Makinda na Mwenzake Spika wa Baraza la Wawaklilishi Zanzibar Mh. Pandu Ameir Kificho wakiwa katika Semina ambao nao pia ni Wajumbe wa Nec ya CCM.

Wajumbe wa Halmashauri Kuu ya Taifa ya CCM Naibu Katibu Mkuu wa Chama hicho Tanzania Bara Ndugu Mwigulu Nchemba na Mwenzake Balozi Seuif Ali Iddi ambae pia ni Makamu wa pIli wa Rais wa Zanzibar.

on Sunday, February 10, 2013