Ziara ya Waziri Mkuu wa Denmark, Mhe. Helle Thorning-Schmidt Mkoani Arusha

Mhe. Waziri Mkuu wa Denmark akiwa amefuatana na Mhe. Mary Nagu (Mb.), Waziri wa Nchi, Ofisi ya Waziri Mkuu, Uwekezaji na Uwezeshaji pamoja na Mhe. Magesa Mulongo, Mkuu wa Mkoa wa Arusha mara baada yakuwasili mkoani Arusha akitokea Dar es Salaam

Mhe. Thorning-Schmidt akilakiwa kwa shangwe na baadhi ya kina mama wa Mkoa wa Arusha

Waziri Mkuu wa Denmark, Mhe. Helle Thorning-Schmidt akisalimiana na viongozi mbalimbali wa Mkoa wa Arusha mara baada ya kuwasili katika Uwanja wa Ndege wa Mkoa huo akitokea Dar es Salaam. Mhe. Thorning-Schmidt yupo nchini kwa ziara ya siku nne kauanzia tarehe 5 hadi 8 Machi, 2013.

Mhe. Thorning-Schmidt akilakiwa kwa shangwe na baadhi ya kina mama wa Mkoa wa Arusha

Mhe. Thorning-Schmidt pamoja na wenyeji wake wakifurahia burudani kutoka moja ya kikundi cha ngoma ya Kimasaai iliyokuwepo Uwanjani hapo wakati wa mapokezi.

Mhe. Waziri Mkuu wa Denmark kwa pamoja na Mhe. Waziri Nagu na Mkuu wa Mkoa wa Arusha wakipata picha ya pamoja na kikundi cha ngoma wakati wa mapokezi yake Arusha

Mhe. Thorning-Schmidt akisaini Kitabu cha Wageni mara baada ya kuwasili katika Mahakama ya Kimataifa ya Mauaji ya Kimbari ya Rwanda (ICTR) iliyopo Jijini Arusha

Mhe. Thorning-Schmidt akizungumza na uongozi wa Mahakama ya ICTR (hawapo pichani) mara baada kupokea taarifa kuhusu utendaji wa mahakama hiyo.

Rais wa Mahakama ya ICTR, Mhe. Jaji Vagn Joensen akitoa taarifa fupi ya utendaji wa Mahakama hiyo kwa Mhe. Thorning-Schmidt (hayupo pichani)

Mhe. Thorning-Schmidt akiwa katika picha ya pamoja na uongozi wa Mahakama ya ICTR mara baada ya mazungumzo nao. Wengine katika picha ni Mhe. Waziri Nagu (watatu kutoka kulia), Mhe. Mulongo (mwenye tai nyekundu) na Bw. Jacob Msekwa (kulia), Mwakilishi wa Balozi wa Tanzania katika nchi za Nordic ikiwemo Denmark.

Mhe. Waziri Mkuu, Thorning-Schmidt akisaini kitabu cha wageni alipowasili kijijini Lepurko

Mhe. Waziri Mkuu, Thorning-Schmidt akivalishwa Vazi Rasmi linalovaliwa na kina mama wa Kimasai mara baada ya kuwasili katika Kijiji cha Wamaasai cha Lepurko kilichopo Wilayani Monduli.

Mmoja wa kina mama wa Kijiji cha Lepurko akimvisha ushanga Mhe. Thorning-Schmidt

Moja ya nyumba maarufu kama "Boma" zilizopo kijijini hapo

Mhe, Thorning-Schmidt akitoka ndani ya nyumba "Boma" aliyoitembelea kijijini hapo.

Mhe. Thorning-Schmidt akihutubia wananchi (hawapo pichani) wa Kijiji cha Lepurko

Mhe. Thorning-Schmidt akiagana na Waziri Mkuu Mstaafu na Mbunge wa Monduli, Mhe. Edward Lowassa mara baada ya kuhitimisha ziara yake katika kijiji cha Lepurko.

Mhe. Thorning-Schmidt akiangalia bidhaa mbalimbali zinazotengenezwa kwa shanga na kina mama wa kijijini hapo

Moja ya shughuli maalum iliyompeleka Mhe. Thorning-Schmidt kijijini Lepurko ni kuzungumza na kina mama na kusikiliza matatizo na changamoto mbalimbali wanazokutana nazo katika maisha yao ya kila siku kama anavyoonekana.

Sehemu ya Wananchi wa Kijiji cha Lepurko wakisikiliza kwa makini hotuba ya Mhe. Thorning-Shmidt (hayupo pichani) ambapo aliahidi kuwasaidia katika kutatua tatizo la upatikanaji wa maji safi na salama.Picha zote na Wizara ya Mambo ya Nje na Ushirikiano wa Kimataifa

on Friday, March 8, 2013