SAKATA LA VURUGU ZA MACHINGA NA POLISI IRINGA , WANNE WENGINE WAFIKISHWA MAHAKAMANI LEO NA KUFIKIA WATU 78 YUMO DIWANI NA KATIBU MWENEZI WA CHADEMA..... TUKIO ZIMA LILIVYOKUWA HILI HAPA

 Diwani  wa kata ya Mvinjeni Frank Nyalusi (chadema) akitolewa mahabusu ya mahakama ya  wilaya ya Iringa leo na  watuhumiwa wengine watatu  kupelekwa mahakamani  akihusishwa na vurugu  za machinga na polisi jumapili  iliyopita

 Katibu mwenezi  wa Chadema Iringa mjini Joseph Mgimwa (kushoto) akiwa na  mtuhumiwa wenzake wa  vurugu za machinga na polisi jumapili  iliyopita Bw . Frank Nyalusi ambae ni  diwani wa kata ya Mvinjeni kupitia  Chadema na watuhumiwa wengine wawili  wakifikishwa mahakamani leo Iringa na kufikisha idadi ya watu 78 ambao wamepandishwa kizimbani kwa vurugu hizo akiwemo mbunge Peter Msigwa

 Polisi  wakiwalinda  watuhumiwa wa  vurugu  za machinga na polisi Iringa  ,  watuhumiwa hao  ni Joseph Mgimwa katibu mwenezi (chadema) Iringa  mwenye suti nyeusi anayefuata  aliyevalia  sare za Chadema ni diwani wa kata ya Mvinjeni Bw Frank Nyalusi  na  watuhumiwa wengine William Mbunda na Timotheo Msengwa 

 katibu  wa  Chadema  wilaya ya Iringa mjini Suzana Mgonakulima na  ndugu wa  watuhumiwa wa vurugu ambao  wameachiwa  leo kwa dhamana  wakitoka mahakamani hapo huku  wakifurahi baada ya kukamilisha  dhamana

 Diwani Nyalusi akitoka  mahakamani baada ya  kuachiwa kwa dhamana leo

 Viongozi  wa Chadema  Iringa kutoka  kushoto diwani wa kata ya Mvinjeni Frank Nyalusi na katibu mwenezi wa Chadema  Iringa Joseph Mgimwa akiwasalimia  wafuasi wa Chadema  waliofika mahakamani hapo leo 

 Diwani  Nyalusi  wa pili  kushoto akitoka mahakamani Iringa baada ya  kuachiwa kwa dhamana  leo 

SAKATA la vurugu  za machinga na  polisi Iringa limeendelea  kuchukua sura mpya  zaidi baada ya  jeshi la polisi  mkoani Iringa kuwakamata na kuwafikisha mahakamani  makada wengine  wanne wa chama  cha  Demokrasia na maendeleo (chadema) akiwemo diwani  kata ya Mvinjeni  Frank Nyalusi (Chadema) na katibu  mwenezi wa Chadema  Iringa mjini  Joseph Mgimwa .

Watuhumiwa hao  wanne wamefikishwa  mbele ya hakimu mkuu  wa mahakama  ya Wilaya ya Iringa mheshimiwa  Festo Lwila  kusomewa mashtaka matatu likiwamo la uchochezi na  kuharibu gari la  Zima moto  mjini Iringa 

Watuhumiwa hao ambao ni Katibu mwenezi wa Chadema Joseph Mgimwa na Diwani wa kata ya Mivinjeni Chadema  Frenk Nyalusi ni miongoni mwa watuhumiwa hoa mbao kufikishwa kwao mahakamani kunafanya idadi ya watu waliofunguliwa mashitaka kutokana na tukio la vurugu zilizotokea Jumapili ya mei 19 mwaka huu kufikia 80.

Katika shtaka la Msingi watuhumiwa wawili katika kesi hiyo ambao ni Frenki Nyalusi ambaye ni diwani wa Kata ya Mivinjeni (Chadema)na Joseph Mgimwa  Katibu mwenezi wa Chadema wilaya ya Iringa ambaye pia ni katibu wa Mbunge wa Jimbo hilo Mchungaji Peter Msigwa  walisomewa mashitaka mawili  likiwamo la uchochezi huku watuhumiw awengine wakisomew amashitak yote matatu.

Akisoma shitaka hilo mbeleya Hakimu Mkuu wa Wilaya ya Iringa Festo Lwila,mwendesha mashitaka wa serikiali Elizabeth Swai alisema mnamo Mei 19 mwaka huu katika eneo la Mashine tatu  Manispaa ya Iringa watuhumiwa  watuhumiwa hao ambao ni namba 2 na namba 4 walitenda kosa la ushawishi watu kutenda kosa kinyume na sheria za nchi.

Alisema katika kosa la pili watuhumiwa hao walifanya mkutano na maandamano bila kibali cha polisi mkoa kitendo ambacho ni kinyume na sheria za nchi na katika koisa la tatu watuhumiw ahao kw amakusudi waliharibu mali ambayo ni gari la zimamoto la Manispaa ya Iringa kitendo ambacho ni kosa kisheria.

Mwendesha mashitaka huyo wa serikali pia aliwataja watuhumiw awengine katika kesi hiyo ambayo mtuhumiwa namba mmoja ni Mbunge wa Jimbo hilo Mchungaji Peter  Msigwa kuwa ni William Mbunda na Timotheo Msengwa ambao walihushwa na makosa yote matatu.

Hakimu Kiongozi wa Mahakama hiyo Lwila aliwaachia watuhumiwa hao kw adhamana  kama ilivyoelekezwa na mahakama Mei 20 mwaka huu ambapo masharti ya dhamani ni kila mtuhumiwa kuwa na mdhamini mmoja mwenye kitambulisho na ahadi ya Sh 1 milioni pamoja na kutakiwa kutotenda kosa lolote katika kipindi chocte cha dhamana,Kesi hiyo imeahirishwa hadi Juni 3 itakaposomwa tena mahakamani hapo

Wakati  huo  huo viongozi hao  wa Chadema  wilaya ya Iringa mjini chini ya katibu wake  Suzana Mgonakulima  wamefanikiwa kuwawekea dhamana  watuhumiwa 26  ambao  walikamatwa na  mbunge Migwa na  kushindwa  kutoka kwa dhamana siku ya jumatatu baada ya  kukosa kutimiza vigezo vya mahakama.

katika hatua  nyingine serikali  mkoa  wa Iringa imeapa  kupambana na makundi ya  watu  wavuruga amani kwa kuhamasisha  vurugu zinazopelekea  damu kumwagika .

Mkuu  wa mkoa  wa Iringa Dr Christine Ishengoma alitoa onyo hilo jana  wakati akizungumza na  wanahabari ofisini kwa juu ya kuwepo kwa taarifa  kama  hivyo za watu kuhamasisha  vurugu .

Hivyo  alisema  mkoa  wa Iringa umejipanga  kuwabana wale wote watakaokutwa wakichochea  vurugu na kuwachukulia hatua kali  za kisheria.

Mkuu  huyo wa mkoa alitaka  wakazi  wa mkoa wa Iringa kutoa taarifa mapema polisi  iwapo  watabahatika  kuwaona ama kusikia  mipango yoyote ya  kuvuruga amani  ikipangwa na  watu hao ama  kupokea ujumbe mfupi katika  simu zao ambao unachochea vurugu.

Kuhusu vurugu zilizojitokeza  jumapili  eneo la Mashine tatu mkuu  huyo wa mkoa alisema kuwa serikali kupitia jeshi la  polisi na  vyombo vingine vya ulinzi na usalama  wamejipanga  kuimarisha amani siku ya kesho katika mji  wa Iringa na iwapo kuna mtu atajaribu  kufanya vurugu basi atawajibishwa .

 

CREDITS: HABARI MATUKIO BLOG

on Friday, May 24, 2013