HISPANIA YAING'OA ITALIA KWA PENATI 7-6, SASA KUIVAA BRAZIL FAINALI

 

Antonio Candreva akifunga penati yake kwa staili ya  'Panenka' ambayo kipa wa Hispania, Iker Casillas hakuweza kuokoa. (Habari kamili iko chini ya picha hizi).

Xavi akimtungua Gianluigi Buffon aliyeanguka upande wa kushoto (kama anavyoonekana), huku mpira ukienda kulia.

Kipa wa Hispania, Iker Casillas hakuwa akiangalia upigaji wa penati za nchi yake, Hapa akiziba uso ili asione nyota wa Hispania akipiga penati yake

Juu ni Alberto Aquilani, akimtungua Casillas. Chini ni Andres Iniesta naye akimchambua Buffon.

Mautundu ya Daniele De Rossi, yakimpeleka sokoni Casillas kama anavyoonekana.

Juu ni Gerard Pique akimpoteza Buffon. Chini nyota wa muziki wa Pop, Shakira (mpenzi wa Pique), akimshangilia.

Juu ni Fundi Andrea Pirlo akipiga rula yake. Chini, Casillas akikaa bila kujua ni vipi ataokoa mkwaju huo wa Pirlo.

Nyota wa Chelsea, Juan Mata akimtungua Buffon katika namna ya kustaajabisha.

Maskini weee!!!! Leonardo Bonucci akishuhudia Casillas akipangua penatui yake katika mechi hiyo.

Kimeeleweka: Nyota mpya wa Manchester City, Jesus Navas (wa pili kushoto) akishangilia na wachezaji wa Hispania baada ya kufunga penati ya ushindi.

Hongera mwana: Kipa wa Hispania, Casillas (kulia) akipewa pongezi huku naye akitoa pole kwa kipa wa Italia, Buffon.

FORTALEZA, Brazil

Mtokea benchi Jesus Navas aliifungia Hispania penati ya ushindi na kuichapa Italia kwa mikwaju 7-6 baada ya sare ya bila kufungana kwa dakika 120 za nusu fainali hiyo ya pili, baada ya juzi Brazil kuiduwaza Uruguay kwa mabao 2-1

MABINGWA wa Dunia, timu ya taifa ya Hispania, jana usiku imefanikiwa kufuzu fainali ya Kombe la Mabara inakotarajia kuwavaa wenyeji Brazil, baada ya kushinda nusu fainali yao kwa penati 7-6 dhidi ya Italia iliyopigwa jijini hapa.

Baada ya dakika 120 za sare ya bila kufungana, pambano hilo liliingia katika changamoto ya mikwaju ya penati, ambapo mtokea benchi Jesus Navas alifunga penati ya ushindi kuipeleka Hispania katika njia ya kuwekla rekodi ya kutwaa mataji matatu makubwa.

Italia iliponzwa na tuta lililoota mbawa la beki Leonardo Bonucci, huku Riccardo Montolivo, Andrea Pirlo, Sebastian Giovinco, Daniele De Rossi, Alberto Aquilani na Antonio Candreva kufunga penati zao.

Kwa upande wa Hispania, ukiondoa penati ya ushindi ya Navas, wengine waliotangulia kufunga walikuwa ni; Xavi Hernandez, Andres Iniesta, Gerrard Pique, Sergio Ramos, Juan Mata na Sergio Busquet.

on Friday, June 28, 2013