Hizi ni ishara za wewe kuhitaji mabadiliko.

Kuna hali ambayo ukiwa nayo wewe binafsi utajihisi kuwa haupo sawa. Hali hiyo ni ya kawaida kwasababu inamkuta kila mtu, kuna siku utakuwa mwenye furaha na amani na siku ningine mwenye kujisikia vibaya kama mtu aliyepungukiwa na kitu fulani. Siwezi sema unajiona kama mkosaji wa kila kitu, hapana. Bali unakuwa kama ‘’Mtu Mwenye Kujikataa Mwenyewe Kwa Kila Jambo Unalofanya.”

Hizi ni hisia ambazo ukiwa nazo utakuwa wewe binafsi huzipendi na kujijua kabisa haupo sawa ila ni msukumo wa ndani yako ndio unakufanya uwe hivyo. Kwa maana nyingine hii ni hali ambayo unaweza kuijenga au kuipinga.

Ni sawa kuwa hivyo, huh…huwezi kuwa mwenye ‘’GOOD MOOD’’ wakati wote na ndio maana tunakasirika pale tunapokosewa kwa kuwa sio wakati wote mambo yatakuwa vizuri. Lakini ikiwa utakuwa katika hali kama nitakazozioredhesha hapo chini basi utahitaji kubadilika. Hakuna kitu kizuri kama kujua udhaifu wako na kujijenga, jitahidi kutorudia kufanya makosa ya mapungufu yako ya jana. Siku ya leo ni LEO fanya mambo mazuri na makubwa kwa kadri utakavyoweza hivi ndivyo namna ya kujitambua na kujijenga. Fanya hivyo kwa wiki, mwezi kisha fanya tathmini. Inamchukua mtu siku 21 (wiki 3) mpaka mwezi mmoja kubadilisha tabia. Jaribu leo kubadilika kitabia na ninaamini baada ya muda huo niliotaja utanipa majibu kuwa umeweza kubadilika na kuwa tofauti na hapo awali.

1. Unakuwa na mawazo mengi, mengine hukutaka hata kuyafikiria badala ya kuwa hapa kimawazo.

-Unaweza kuwa unaongea na mwenzako, unajikuta umehama kimawazo na kufikiria mambo mengine badala ya kumsikiliza vizuri na kuwa hapo kwa wakati huo. Jitahidi kufuata msemo huu ‘’Wherever You’re Be There’’. Ni muhimu muhimu uwe makini kusikiliza na kuonyesha uwepo wako kikamilifu mahali popote utakapokuwa.

2. Unajihisi kupinga kitu chochote utakachoambiwa na mtu mwingine na kutaka kushindana hata kama huna sababu ya kufanya hivyo.

-Hii ni hali ya kuwa hutaki kushindwa jambo lolote unaloelezwa hata kama unajijua haupo sahihi. Katika hali kama hii ni heri ukawa mpole na kimya kuliko kuonekana mbishi au mtu usiyeambilika. Kama ukipigiwa simu ukiwa bado upo katika hali mbaya (bad mood) ni bora usipokee na kama unamazungumzo muhimu na mtu ni bora uhairishe mpaka siku nyingine utakapokuwa vizuri kuliko kuharibu mambo.

3. Unaona mahusiano yako na mtu fulani kwa namna moja au nyingine yanakukwaza katika maisha yako.

-Inaweza kuwa ni mpenzi wako, rafiki au jamaa yako kweli anakukwamisha katika mambo yako. Cha kufanya hapo ni kupima ni kwa kiasi gani anakukwaza? Je anaweza kubadilika utakapomueleza na kumpa muda wa kujirekebisha? Je unaweza kumvumilia? Kumbuka hata wewe unaweza kuwa na hali ya kujisikia huhitaji mtu kwa wakati huo hivyo nawe ukawa ni sababu ya kumchukulia mtu vibaya. Ukijikuta upo katika hali hii ni bora utulie na kutafakari kwa ufasaha. Don't Make A Permanent Decision Because Of Your Temporary Situation. Usivunje mahusiano bila kutathmini sababu ya wewe kufanya hivyo. Kuwa na marafiki wazuri ni lulu usiwaache waende.

4. Unajihisi kukereka kupita kiasi kwa kila jambo unaloona halipo sawa.

-Ulishawahi kuona mtu anachukia chochote kilichopo mbele yake? Mfano: Dereva wa gari au pikipiki anagombana na kila mtu anayekatiza barabarani au kukasirika kila anapokutana na shimo au kikwazo chochote njiani. Kama ukiwa katika hali kama hiyo ni vyema ukajua watu hufanya makosa, wachukulie watu kama walivyo na usiudhuke sana na kusumbua kichwa chako kwa kufikiria sana makosa ya watu. Panapohitajika kutoa malalamiko toa na eleza kero zako, panapohitajika kufanya linalowezekana fanya unaloweza kwa manufaa yako na wengine ambao wanatatizwa na tatizo hilo.

5. Kutojikubali kuwa umeshindwa na kujiona hustahili mambo yako kwenda kombo.

-Hii hali huwatokea watu wenye uchu kupita kiasi wa kupata kitu fulani. Sababu moja kubwa inayowafanya watu kuwa hawana furaha na maisha yao ni kutegemea mambo makubwa bila kukubali kuwa wanaweza kushindwa. Any expectation relies on thinking about the positivities and negativities of what you expect. Hatutakiwi kuwa na mawazo mgando kwa kufikiri chanya wakati wote bali tufikirie hasi wakati mwingine. Ndio maana katika malengo tuna PLAN A ikishindikana tunafuata PLAN B, C na njia nyingine mbadala za kutufikisha tunapopataka. Ninachomaanisha hapa Don't Expect Too Much To Become Frustrated there are other many windows of opportunities for you to win.

 

CREDIT: SAID KAMOTA

on Sunday, July 21, 2013