GARI YAPINDUKA RUNGWE NA KUUA, MMOJA ATIWA MBARONI BAADA YA KUPATIKANA NA NOTI BANDIA JIJINI MBEYA

 

KAMANDA WA POLISI MKOANI MBEYA, DIWANI ATHUMANI 

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 02.11. 2013.

WILAYA YA  RUNGWE – AJALI YA  GARI KUPINDUKA NA KUSABABISHA KIFO.

MNAMO TAREHE 01.11.2013 MAJIRA YA  SAA14:00HRS HUKO KATIKA KIJIJI NA KATA YA   KIBOLE, TARAFA YA  PAKATI  BARABARA YA  KIBOLE/NGYEKYE WILAYA YA  RUNGWE MKOA WA MBEYA. GARI T.628 BDL AINA YA  TOYOTA CANTER LIKIENDESHWA NA DEREVA AMBAYE HAJAFAHAMIKA JINA WALA MAKAZI YAKE LILISHINDWA KUPANDA MLIMA NA KUPINDUKA KISHA KUSABABISHA KIFO CHA ABIRIA  LUGANO S/O MWAKALEKE, MIAKA 18, KYUSA, MWANAFUNZI SHULE YA  SEKONDARI SELYA KIDATO CHA PILI. DEREVA ALIKIMBIA MARA BAADA YA  AJALI. MWILI WA MAREHEMU UMEFANYIWA UCHUNGUZI NA KUKABIDHIWA NDUGU KWA MAZISHI. KAIMU KAMANDA WA POLISI  MKOA WA MBEYA  KAMISHNA MSAIDIZI WA POLISI ROBERT MAYALA  ANAENDELEA KUTOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA RAI KWA YEYOTE MWENYE TAARIFA JUU YA  MAHALI ALIPO MTUHUMIWA AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE, VINGINEVYO AJISALIMISHE MWENYEWE.

WILAYA YA MBEYA MJINI – KUPATIKANA NA NOTI BANDIA.

MNAMO TAREHE 02.11.2013 MAJIRA YA SAA 00:45HRS HUKO ENEO LA  UHINDINI JIJI NA MKOA WA MBEYA.    EMANUEL S/O BASHOHO, MIAKA 17, MUHANGAZA, MKULIMA, MKAZI WA IWAMBI    ALIKAMATWA AKIWA NA NOTI BANDIA MOJA YENYE THAMANI YA  TSHS 10,000/= YENYE NAMBA BX-5273814 .MBINU NI KUKODI GARI [TAXI] KUTOKA IWAMBI HADI UHINDINI NA KUTOA NOTI HIYO KAMA MALIPO. TARATIBU ZINAFANYWA ILI AFIKISHWE MAHAKAMANI. KAIMU KAMANDA WA POLISI  MKOA WA MBEYA  KAMISHNA MSAIDIZI WA POLISI ROBERT MAYALA  ANAENDELEA KUTOA WITO KWA JAMII KUWA MAKINI KWA KUCHUKUA TAHADHARI KATIKA MATUMIZI YA  PESA HASA NOTI ILI KUEPUKA MATATIZO YANAYOWEZA KUEPUKIKA

 [ROBERT MAYALA- ACP]

KAIMU KAMANDA WA POLISI MKOA WA MBEYA.

on Saturday, November 2, 2013