Shirika la habari la serikali nchini China, limeripoti ongezeko la wanandoa wanaotengana kufuatia matumizi ya kupita kiasi ya mtandao wa facebook jambo ambalo limefanya wapenzi kutumia muda mwingi kwenye mtandao huo.
Ripoti hiyo imedai kuwa ndoa nyingi
zinavunjika na kupelekea kupeana talaka kutokana na wachumba wanatumia
muda wao mwingi wakiwa kwenye mtandao huo na hivyo wanawatenga
wapenzi wao ambao mwisho wake huchepuka na kuonja asali nje ya ndoa.
Kulingana na takwimu za serikali, idadi ya watu wanaotoa talaka
imeongezeka maradufu katika kipindi cha miaka kumi iliyopita ambapo
sababu zingine ni kuwepo kwa njia rahisi ya kutoa talaka.
Sambamba na hilo inadaiwa kuwa utoji wa talaka bandia ni
moja ya mbinu ya wapenzi kupanga njama ya kutengana rasmi ili kuepuka
malimbikizi ya kodi na kisha wanaoana tena.
Inadaiwa kuwa wanandoa pia hutumia talaka kama njia ya kuepuka
masharti makali ya kuthibiti kuwepo kwa nafasi za kazi na pia nafasi za
kupata masomo.
.jpeg)
Post a Comment