HATIMAYE DENNIS RODMAN AKUTANA NA BABA YAKE BAADA YA MIAKA 42, AMFURAHIA SANA

DENNIS RODMAN AKUTANA NA BABA YAKE PHILANDER RODMAN JR

DENNIS RODMAN AKIWA UWANJANI KATIKA MECHI YA WACHEZAJI WA ZAMANI MAARUFU WA MPIRA WA KIKAPU

 

Mchezaji wa zamani wa mpira wa kikapu marekani NBA Dennis Rodman hatimaye amekutana na baba yake mzazi baada ya miaka 42 ya kutokuwa pamoja. Philander Rodman jr ambaye amekiri kuwa na watoto 29 aliozaa na wanawake 16 alihudhuria mchezo wa mpira wa kikapu katika jiji la ufilipino ambapo mwanaye Dennis Rodman alikuwa anacheza mechi ya ufunguzi ya mpira wa kikapu.

Baba huyo alisema alijisikia furaha na mshangao kwamba mwishowe mwanaye huyo amekubali kukutana na kuongea naye na kusema kuwa alijaribu kukutana na mwanaye huyo mwaka 2006 lakini ilishindikana.

Ilikuwa ni siku nzuri sana kwangu kukutana na mwanangu na kushikana mikono kwa mara ya kwanza kwa kipindi chote cha miaka 42 nimekuwa nikijaribu kufanya hivyo bila mafanikio.

Timu ya muungano ya rodman pamoja na mastaa wengine wa zamani walikuwa jijini ufilipino kucheza mechi na mastaa wa chama cha mpira wa kikapu wa ufilipino ambapo timu ya Rodman ilishinda.

Philander Rodman ambaye amekuwa akiishi nchini ufilipino kwa zaidi ya miaka 50 sasa amesema alitaka kumweleza mwanaye kuwa hakuitoroka familia yake nchini marekani lakini alishindwa kufanya hivyo kutokana na kupata dakika 3 tu za kupeana mikono na kuongea na mwanaye huyo ambaye alikuwa yuko bize kuweka sahihi katika vitabu vya kumbukumbu vya mashabiki wake, alijisikia vizuri kwa kuwa huo ni mwanzo wa uhusiano mzuri kati yake na mwanaye huyo ambaye walibadilishana namba za simu na mwanaye huyu kuahidi kumpigia.

Baba huyo alisema amejaribu kutaka kukutana na mwanaye huyo kwa miaka sita lakini mtoto huyo aligoma kabisa kukutana naye.

Wakati wa mapumziko zikiwa zimebaki dakika chache mchezo kumalizika Dennis Rodman alichukua kipaza sauti na kutambua uwepo wa baba yake mahali hapo na kuonyesha sehemu ambapo baba yake amekaa uwanjani hapo.

on Friday, July 20, 2012