MATOKEO YA UCHAGUZI MDOGO WA MADIWANI YAANIKWA HUKU YAKISINDIKIZWA NA MIRIO YA RISASI

KATIKA uchaguzi mdogo wa udiwani kata ya daraja mbili Mkoani Arusha,Chama cha demokrasia na maendeleo chadema kimeibuka kidedea kwa kura 2047,CCM 1214,Cuf 162,Tlp,31,Nccr 18 hivyo mgombea udiwani wa chadema Prosper Msofe kupeperusha pendera katika kata hiyo

Hali ilikuwa tofauti Wilayani Arumeru Mashariki ambapo chama cha CCM katika kata ya bang”ata ilipeperusha vyema pendera yeke kwa kushinda kwa kishindo kikubwa kwa kupata kura 1177,chadema 881 na Tlp kura 3

Katika ni Diwani wa kata ya daraja mbili Prosper Msofe kushoto ni Marteen Sarungi katibu wa chadema Wilaya ya Arusha wakiwa katika viwanja vya kupigia kura

Hapa lema akioneka mwenye furaha akiwa anateta jambo na viongozi wenzake baada ya kupata matokehayo

Uchaguzi katika kata ya daraja mbili Arusha mjini ,msimamizi wa uchaguzi huo Omary Mkombole alichelewa sana kutangaza matokeo hayo ya udiwani kwa kile kilichoelezwa kuwa hakuwa na chombo chenyekuweza kuharakisha upatikanaji wa matokeo hayo kwa haraka hali iliyosababisha matokeo hayo kutangazwa saa 4:30 usiku

Msimamizi wa uchaguzi huo Omary Mkombole akiwa ndani ya chumba akisubiria matokeo ya ujumla

Wananchi wakiwa wanasubiria matokeo kwa hamu kubwa

Hata hivyo katika uchaguzi huo vihoja vya hapa na pale viliibuka baada ya mgombea wa CCM philip moshi kuingia mitini hata kabla ya matokeo hayo kutangazwa hali iliyosababisha gumzo kubwa kwa wapiga kura

Hali ya usalama uliimarishwa na jeshi la polisi huku wakiwa na silaha zao za moto,mabomu,mbwa huku wananchi wakiwa wanaimba nyimbo za kila aina kama vile”ni bora CCM kuliko ukwimu!!,Lowasa fisadi!!,Tunamtaka lema wetu na bila lema patachimbika,, polisi ni wakwetuuuuuuu!!,,hizo baadhi tu ya nyimbo ambazo walikwa wakiimba mashabiki wa chaema mbele ya polisi.

Hapa niko na waandishi wa habari( wapambanaji) wa gazeti la mwananchi kushoto Musa Juma kulia Moses Mashala tukiwa tumekaa chini vumbi kila mahali tukisubiria matokeo ya udiwani daraja mbili ilikuwa ni saa 4;20 usiku kwa mbali ni wananchi wakisubiri matokeo hayo

Kabla ya matokeo hali ilikuwa hivi:

UCHAGUZI mdogo wa udiwani katika kata ya Darajambili Mkoani Arusha tarehe 28 oktoba mwaka huu, uliingia dosari baada ya risasi kurindima hewani mfulululizo hali iliyozua taharuki kwa wakazi wa kata hiyo waliokuwa wamejitokeza katika vituo vya kupigia kura.

Risasi hizo zinadaiwa kupigwa na mbunge wa jimbo la Arumeru Mashariki,Joshua Nassari pamoja na mwenyekiti wa Umoja wa vijana wa CCM(Uvccm) wilayani Arusha,Godfrey Mwalusamba mara baada ya kuibuka tafrani baina ya wafuasi wa CCM na Chadema katika eneo la Shule ya sekondari ya Felix Mrema.

Katika vurugu hizo dereva wa aliyekuwa Mbunge wa Arusha Mjini Haleluya Natai pamoja na wafuasi wa Chadema zaidi ya 15 walikamatwa na jeshi la polisi huku Nasari na aliyekua mbunge wa jimbo la Arusha mjini Godbles Lema wakitokomea kusikojulikana lakini kisha baadaye walionekana katika viunga vya kupigia kura.

Hatahivyo,katika hali isiyo ya kawaida mgombea wa Chadema katika kata hiyo,Prosper Msofe alionekana akirandaranda katika vituo vya kupigia kura huku akiwa na silaha yake aina ya bastola kiunoni hali ambayo ilizua mshangao kwa wapiga kura wa kata hiyo.

Katika vurugu hizo inadaia kuwa Nasari aliyekuwa akiongozana na lema wakiwa katika gari mojawapo walivamia ngome ya CCM iliyopo karibu na ofisi za chama hicho kata ya daraja mbili hali ambayo ilipelekea wafuasi wa CCM kuwavamia lakini Nasari alijiami na kasha kufyatua risasi tatu hewani.

Hatahivyo,kada wa CCM ,Kabwelwa Mturuka alijeruhiwa mkononi kwa kukatwa na panga na watu wanaosadikiwa kuwa ni wafuasi wa Chadema wakati wa majibishano karibu na kituo cha kupigia kura.

Katika vurugu hizo mwenyekiti wa UVCCM wilaya ya Arusha Martin Munis naye aliporwa simu yake ya mkononi na fedha ambapo alitoa taarifa katika jeshi la polisi na kupewa AR/RB/13624/2012 ya shambulio la kudhuru mwili dhidi ya Nasari na Lema.

Wakati huohuo,wafuasi wa Chadema waliokuwa mita chache karibu na kituo cha kupigia kura cha sekondari ya Felix Mrema,walivamia ofisi za CCM zilizokuwa karibu na kituo hicho na kisha kujaribu kung”oa bendera ya chama hicho lakini jitihada hizo zilizimwa na wafuasi wa CCM baada ya kumshusha kabla hajaikaribia bendera hiyo.

Kamanda wa jeshi la polisi mkoani Arusha,Liberatus Sabas alipoulizwa juu ya matukio hayo alisema kwamba ni mapema sana kuzizungumzia lakini alikiri kushikiliwa kwa baadhi ya wafuasi wa CCM na Chadema ambao walihusika na vurugu katika uchaguzi huo jana.

Kwa upande wake,Nasari alipoulizwa juu ya hatua yake ya kurusha risasi hewani alipinga vikali lakini alipotafutwa Mwalusamba alikiri kurusha risasi hizo hewani huku akidai kwamba alifyatua kwa lengo la kujihami.

on Monday, October 29, 2012