TASWIRA MBALIMBALI YA ZIARA YA MENEJA MRADI WA SHIRIKA LISILOKUWA LA KISERIKALI KUTOKA UJERUMANI (EILF)

Meneja mradi wa shirika lisilo la kiserikali linalowajengea uwezo wajasiriamali kwa kutumia teknolojia ya habari na mawasiliano katika kupambana na umaskini( EIFL) Monica Elbert (mzungu) akipokea maelezo kwa mjasirimali Geofrey Nkong’o (wa pili kushoto) huko Kitunda -DSM kuhusu watakavyonufaika na mafunzo waliyoyapata kupitia mpango wa kufundishia wa teknolojia ya habari na mawasiliano ujulikanao (Public Library Innovation Programme- PIP) ambapo, shirika hili linafadhili Maktaba ya Taifa nchini (TLSB) ili ziweze kutumia teknolojia hiyo katika kuwaletea mawasiliano wajasirimali katika kupata habari kwa ajili ya matumizi mbalimbali katika shughuli zao za kila siku na maendeleo.

Meneja mradi wa shirika la (EIFL) Monica Elbert kutoka Ujerumani (kulia) akimsikiliza Katibu wa kikundi cha wajasiriamali wa Kiyombo Kitunda mkoani Dar es Salaam Yesaya Mbwambo, (katikati) wakati wakiangalia baadhi ya mabanda ya ufugaji wa kuku na jinsi wajasiriamali watakavyonufaika baada ya kumaliza mafunzo ya teknolojia ya habari na mawasliliano, ambapo wataweza kutafuta taarifa mbalimbali kupitia mtandao na zikiwepo za utafutaji wa masoko pamoja na shughuli zao za kila siku, (kushoto) ni Mwenyekiti wa kikundi cha (KUK) Wambura Mugasa.

Meneja mradi washirika lisilo la kiserikali kutoka Ujerumani (EIFL) Bibi Monica Elbert (kulia) akiwashukuru wanakikundi wajasiriamali cha ufugaji kuku wa Kiyombo Kitunda (KUK) baada ya kumpatia zawadi ya vazi la kitenge kwaajili ya kumbukumbu, baada ya kuwatembelea mishoni mwa wiki na kuangalia shughuli zao za ufugaji. Picha na Mwanakombo Jumaa- MAELEZO

on Sunday, October 21, 2012