WATANZANIA WAISHIO NCHINI CHINA WAPATA VIONGOZI WAPYA

 Na Joseph Ishengoma
MAELEZO Wuhan, China
***************

Umoja wa Watanzania mjini Wuhan, China (WUTASA) jana ulimchagua kuwa Mwenyekiti wake kwa kipindi cha mwaka mmoha ujao 20012/20013).

Dr. Gululi anachukua nafasi iliyoachwa wazi na Bi Fatma Waziri aliyemaliza muda wake wa uongozi kwa mujibu wa Katiba ya umoja huo. Aidha Bwana Hamphrey Skauki ameendelea kuitetea nafasi yake ya Ukatibu wa WUTASA kwa kipindi kingine cha mwaka mmoja. Simon Kahwa alichaguliwa kuwa Mweka hazina nafasi ambayo awali ilikuw aikishikiliwa na Bi Felister Mahuya aliyemaliza muda wake

Uchaguzi huo umefanyika kwa mujibu wa vifungu 5.2.1 na 6.1 vya katiba ya WUTASA vinavyoelekeza jinsi ya kuwapata viongozi wa WUTASA na muda wao wa kukaa madarakani kwa vipindi visivyozidi viwili vya mwaka mmoja mmoja.

Akizungumza baada ya kuchaguliwa, Dr. Gululi aliwaomba Watanzania mjini Wuhan kuwa kitu kimoja na kutangaza sifa nzuri za Tanzania.

“Katika muda wote tutakao kuwa hapa mjini Wuhan, tunatakiwa kuweka uzalendo mbele, kwa kushirikiana katika mambo mbalimbali yanayotakiwa kutekelezwa kwa mujibu wa mpango kazi wa umoja wetu,” alisema.

Aidha alieleza kuwa katika k ipindi chake cha uongozi atahakikisha anabuni vyanzo vingine vya mapato kwa kushirikiana na wanaWUTASA badala ya kuendelea kutegemea ada za wanachama pekee.

awali akisoma taarifa ya mwaka wa uongozi uliopita Bwana Skauki aliwaeleza wajumbe wa mkutano mkuu kuwa uongozi ulifanikiwa kuitangaza Tanzania vema katika maonesho ya utamaduni ambayo kila mwaka hufanyika katika chuo kikuu cha WUHAN.

“Kwa mwaka 20011/2012, uongozi kwa kushirikiana na kamati ya Social, tuliweza kuitangaza nchi yetu Tanzania katika maonesho ya Utamaduni yanayofanyika kila mwaka chuoni Wuhan,” alisema. Maonesho ya mwaka jana yalishikisha watu kutoka zaidi ya mataifa 70 duniani.

Aliongeza kuwa fursa hii imewafanya watu wa mataifa mbalimbali ambao awali hawakujua vivutio vinavyopatikana Tanzania ukiwemo utamaduni wa wananchi wake kuuijua na kuendelea kutaka kupata taarifa za mambo mbalimbali yanayohusu Tanzania.

on Monday, October 8, 2012