MIKAKATI KAMAMBE YA KUONDOA UHABA WA MAJI DAR YATAJWA BUNGENI.

 

Waziri wa Maji, Profesa Jumanne Maghembe akitoa kauli ya serikali Bungeni mjini Dodoma leo juu ya mkakati wa kuondoa uhaba wa maji jijini Dar es Salaam.

Mbunge wa Ubungo (CHADEMA) Mh. John Mnyika akihoji kauli ya serikali bungeni leo.

Serikali imetaja mikakati ya kuondoa uhaba wa maji katika jiji la Dar es Salaam wakati akitoa kauli ya serikali bungeni mjini Dodoma leo asubuhi.

Waziri wa Maji Profesa Jumanne Maghembe alitaja baadhi ya mikakati ni pamoja na kupanua na kujenga miundombinu ya kuzalisha,kuhifadhi na kusambaza majisafi.

Mengine ni kupanua na kuboresha mfumo wa uondoaji wa majitaka na kuimarisha usimamizi nan utoaji wa huduma ya maji katika jiji la Dar es Salaam.

Profesa Maghembe pia alitaja mikakati mingine kuwa pamoja na kuhifadhi vyanzo vya maji na kuongeza fedha za ndani katika kuboresha usambazaji

Hata hivyo kauli hiyo ya serikali ilihojiwa na Mbunge wa Ubungo (CHADEMA) John Mnyika aliyedai kuwa baadhi ya masuala yaliyosemwa hayakuwa sahihi na mengine yalikuwa hayawezi kutekelezeka.

Mnyika pia alidai kuwa kauli ya serikali ilikuwa imeteka hoja yake binafsi ya uhaba wa maji iliyowasilishwa kwa Spika ili ijadiliwe Bungeni.

on Wednesday, November 7, 2012