Kama inavyojulikana kuwa mwanamuziki Jay Z na mkewe Beyonce wanaishi maisha ya juu yenye hadhi ya kifalme vivyo hivyo binti yao Blue Ivy Carter anastahili huduma zenye kiwango hicho hicho.
Kwanza ikumbukwe kuwa binti huyo alizaliwa katika chumba maalum katika hospitali ya Lenox Hill ambacho sasa kimebatizwa jina la ‘Beyonce Room’.
Mwanamuziki huyo ameamua kukodisha shule ya nasari kwa dola milioni 1 za Marekani katika eneo maarufu la Barclays Center huko Brooklyn, hivyo kuhakikisha Blue anapata elimu ya awali katika mfumo wa kifahari.
Jay Z anayejulikana kwa kupenda kutizama mchezo wa mpira wa kikapu, hilo ndilo eneo lake ambalo ni makazi ya timu ya Brooklyn Nets, na katika sakafu ya ardhini mwanawe atakuwa akijipatia elimu ya awali kwa kujinafasi.