AUAWA KIKATILI KWA WIZI WA DEBE TATU ZA MAHINDI

 

Na Esther Macha, Mbeya

MKULIMA wa Kijiji cha Ikumbi Songwe wilaya ya Mbeya vijijini Nasibu Matinya (25) ameuwawa kikatili kwa kupigwa mawe na mapanga ,fimbo kisha kuchomwa moto baada ya kuiba mahindi debe tatu ,maharage bakuri 10.

Kwa mujibu wa Kamanda wa polisi Mkoani Mbeya Diwani Athuman katika taarifa yake kwa vyombo vya habari jana alisema tukio hilo limetokea Agosti 4 mwaka huu majira ya saa 18:40 huko Ikumbi Songwe wilaya ya Mbeya vijijini.

Kamanda Diwani alisema kuwa mkulima huyo aliuwawa  kwa kupigwa na kundi la wananchi walioamua kujichukulia sheria mkononi kwa kutumia mapanga, mawe na fimbo kisha kumchoma moto.

“Marehemu baada ya kupata kipigo hicho wananchi hao waliamua kumchoma moto mpaka kubaki majivu”alisema.

Aidha Kamanda huyo alisema kuwa chanzo cha  kuuwawa kwa marehemu ni wizi baada ya marehemu kuiba mahindi debe 3 maharage bakuri 10, doti 3 za vitenge na pampu ya baiskeli 1 nyumbani kwa jirani yake Hebron mwakimonya.

Hata hivyo kamanda wa polisi mkoa wa mbeya kamishana msaidizi wa polisi Diwani Athumani ametoa wito kwa jamii kuacha mara moja tabia ya kujichhukulia sheria mkononi na badala yake kuwafikisha watuhumiwa wanaowakamata katika mamlaka husika ili sheria iweze kuchukua mkondo wake.

Akizungumzia kuhusu watu waliokamatwa Kamanda Diwani alisema hakuna mtu yeyote aliyekamatwa kuhusiana na tukio na jeshi la polisi bado linaendelea na uchunguzi ili kuweza kuwabaini watu waliofanya hivyo.

“Baada ya kufanya unyama huo kundi hilo la wananchi lilikimbia baada ya kuhakikisha kuwa marehemu ameteketea mwili wote.

on Wednesday, August 7, 2013