Kim-Poulsen
Kocha Mkuu wa timu ya taifa (Taifa Stars) Kim Poulsen.
Mahmoud Ahmad Arusha
Kocha Mkuu wa timu ya taifa (Taifa Stars) Kim Poulsen anatarajiwa kuwa mgeni rasmi kwenye ufunguzi wa Ligi ya vijana chini ya umri wa miaka 15 ya Moivaro Youth League. Ligi hiyo inatarajiwa kuanza kutimua vumbi siku ya Jumamosi ya tarehe 28 mwezi huu katika viwanja vya International school.
Akizungumza na vyombo vya habari jijini Arusha, Mratibu wa ligi hiyo, Alfred Itael alisema kuwa ligi hiyo itakuwa ya nyumbani na ugenini na kuwa itazishirikisha timu zaidi ya 30 za vijana chini ya umri wa miaka 15 inadumu ndani ya miezi mitatu.
Bw. Itael ametoa wito kwa wazazi na vijana kushirikiana katika kuendeleza soka la vijana kwani Michezo ni sehemu ya kujenga mwili na pia ni ajira kwa vijana lakini amewataka vijana kutobweteka na michezo na kuacha kusoma kwani mpira wa sasa unaendana na elimu.