MAKINDA: BUNGE LA SADC LAPATA MAFANIKO

 

Mahmoud Ahmad Arusha
BUNGE la nchi wanachama wa jumuia ya maendekleo kusini mwa afrika SADC-PF, limesema kuwa limepata mafanikio makubwa katika kujenga demokrasia ,uwazi na utawala bora tangia kuanzishwa kwake mwaka 1997 .

Spika wa Bunge la jamhuri ya muungano wa Tanzania, Anne Makinda,  akizungumza na vyombo vya habari mjini Arusha katika kikao cha kamati ya maandalizi ya mkutano mkuu wa 34 wa jukwaa la mabunge ya jumuia ya maendeleo kusini mwa Afrika,SADC-PF, utakaofanyika Arusha kuamnzia june 16 hadi 24 mwaka huu..

Makinda amesema katika mkataba wa kuanzishwa kwa bunge hilo wakuu wa nchi wanachama walisaini mkataba wa makubaliano ya kukuza demokrasia,uwazi  na utawala bora ambapo nchi kadhaa zimeweza kupanua demokrasia na kufikia 30% ya wabunge wanawake na hilo ni jambo la kujivunia.

 

Makinda, amesema mkutano huo utafunguliwa na makam wa rais Dakta Mohamed Ghalib Bilal, Oktoba 20 ,utashirikisha wabunge 150 kutoka nchi wanachama na wadau wa maendeleo kutoka taasisi za kitaifa na kimataifa ambao watashiriki kikamilifu katika  .

Amezitaja nchi zinazounda jumuia hiyo kuwa ni Afrika kusini,Tanzania, Musumbiji, Zimbabwe,  Zambia, Namibia, Malawi,  Lesotho, Angola, DRC  Congo, Seychelles Mauritius,ambapo Botswana na Swazilandi, hazitashiriki kwa kuwa zipo kwenye mchakato wa uchaguzi mkuu.

 Amesema kauli mbiu ya mkutano  huo ni  vigezo vya kuendesha na kutathimini  chaguzi kwa nchi za kusini mwa afrika kauli mbiu hiyo imechaguliwa baada ya miaka 13 kuanzia mwaka 1999 hadi 2013 kuhusu chaguzi mbalimbali ambazo zimefanyika katika nchi wanachama na wameona kuna umuhimu wa kuvipitia upya  vigezo vya kusimamia  na kutathimini mwenendo wa chaguzi hizo.

Amesema mjadala zaidi utajikita katika namna bora ya kuweka vigezo vya kuweka na kuendesha  na kuthimini mienendo na matokeo  ya uchaguzi mkuu  katika nchi za sadc kwa lengo la kuzifanya chaguzi hizo ziwe huru haki na uwazi zaidi.

on Thursday, October 17, 2013