Wakitoa maoni yao jana kuhusu mabadiliko kwenye
wizara hiyo, baadhi yao walisema hakutakuwa na miujiza kutoka kwa
Jenista Mhagama aliyeteuliwa kuwa Naibu Waziri, kwani moja ya matatizo
makubwa ya wizara ya elimu ni mfumo. Profesa Justinian Galabawa wa Chuo
Kikuu cha Dar es Salaam, alisema kinachotakiwa ili kuinua sekta ya elimu
ni kubadili mfumo wa elimu kuanzia shule za msingi mpaka sekondari.
Alisema kazi kubwa inatakiwa kufanywa na watalaamu
na wahakikishe wanasimamia kazi zao ikiwa ni pamoja na vifaa vya
kujifunzia kama vitabu, upatikanaji wa walimu wenye sifa na wanaoweza
kutekeleza majukumu yao.
Alisema kuwa kwa kufanya hivyo sekta ya elimu itapata mabadiliko na siyo kupunguza alama za ufaulu kama wanavyofanya sasa.
“Nashindwa kuelewa kwa nini wanapunguza alama za
ufaulu na hivi juzi tena nimeona wamepunguza za kidato cha pili,”
alisema Profesa Galabawa. Mkurugenzi Mtendaji wa Shirika la HakiElimu,
Elizabeth Missokia, alisema haoni kama kuna mabadiliko ndani ya wizara
hiyo kwani waziri aliyekuwa akilalamikiwa ndiye huyohuyo aliyebaki.
“Kumwondoa (Philipo) Mulugo haitoshi, Jenista
Mhagama sijawahi kumwona akiwa waziri kwenye wizara yoyote, namwona tu
akiongoza vikao vya Bunge, yeye kuwa mwalimu haiwezi kusaidia kwa sababu
hata Mulugo alikuwa mwalimu.
“Wizara ya Elimu imekuwa na matatizo kwa muda
mrefu, ingawa watu wanasema wakati wa Dk Kawambwa hali imekuwa mbaya
zaidi, sioni kama Jenista atakuja na miujiza,” alisema Misokia.
Alisema kwamba ni vizuri Mhagama akajua kuwa,
anaenda kwenye wizara iliyo na changamoto nyingi hivyo kusimamia
upatikanaji wa sera bora, kukabili kero za walimu, akijituma
atafanikiwa.
Mhadhiri Mwandamizi wa Chuo Kikuu cha Dar es
Salaam, Dk Kitila Mkumbo, alisema kuwa haoni kama kuna mabadiliko kwani
waziri ambaye ndiye msimamizi mkuu wa sera bado yupo yuleyule.
mwananchi
mwananchi
.jpeg)
Post a Comment