NAIBU WAZIRI MAKALLA AENDELEE NA ZIARA MKOANI MOROGORO

 

       

Naibu Waziri wa Maji, Amos Makalla akisikiliza ripoti ya maji ya Wilaya ya Morogoro katika Ofisi ya Mkuu wa Wilaya ya Morogoro, kushoto ni Mbunge wa Morogoro Kusini, Innocent Kalogeris.

Mbunge wa Morogoro Kusini-Mashariki, Lucy Nkya akizungumza katika mkutano wa Naibu Waziri wa Maji, Amos Makalla wilayani Morogoro. .

Mkuu wa Wilaya ya Morogoro, Said Amanzi akizungumza katika mkutano wa Naibu Waziri wa Maji katika ziara yake wilayani hapo

Mbunge wa Morogoro Kusini, Innocent Kalogeris akizungumza na wakazi wa kijiji cha Bwira Chini katika ziara ya Naibu Waziri wa Maji, Amos Makalla katika jimbo lake, wilayani Morogoro.

Naibu Waziri wa Maji, Amos Makalla akizungumza na wananchi wa Bwira Chini katika ziara yake kijijini hapo, kushoto ni Mbunge wa Morogoro Kusini, Innocent Kalogeris na kulia ni Mkuu wa Wilaya ya Morogoro, Said Amanzi.

Wakazi wa kijiji cha Bwira Chini wakimsikiliza Naibu Waziri wa Maji, Amos Makalla (hayupo pichani), wakati wa alipotembelea kijiji hicho katika ziara yake wilayani hapo.

………………………………………………………………………………………………….

Naibu Waziri wa Maji, Amos Makalla  ameanza ziara yake mkoani Morogoro Jumatano kwa kutembelea Mamlaka ya Mazingira na Majisafi Morogoro (MORUWASA).

Mhe. Makalla alifika MORUWASA na kujionea utendaji na kupata taarifa ya mamlaka hiyo ambayo inatoa huduma ya maji mjini Morogoro na kukagua miradi inayotekelezwa mkoa huo.

“Ninawaagiza wakandarasi wahakikishe wanarudi kwenye maeneo yao ya kazi mara moja, kama Waziri Maghembe alivyoagiza. La sivyo Serikali itaangalia taratibu na kuchukua hatua kali. Na mkandarasi atayekaidi hatapata kazi sio tu Wizara ya Maji, bali Tanzania nzima”, alionya Naibu Waziri.

“Muwe karibu na kuwahudumia vizuri wateja na kuwe na ratiba nzuri ya mgao na ya kueleweka na kwenye dharura mfike mara moja bila kuchelewa. Muondoe urasimu usio wa lazima katika kutoa huduma kwa wananchi wote”, alisema Makalla.

Pia, alisema wananchi waiunge mkono Serikali katika kutunza mazingira na vyanzo vya maji na amekuja Wizara ya Maji kutimiza sera za maji na mipango ya Serikali katika sekta hiyo na si vinginevyo. Na kuahidi kuwasilisha maombi yote aliyoyapokea Wizarani na kuyapapa msukumo yafanyiwe kazi, isipokuwa yale yaliyo ndani ya uwezo wao wafanye bidii kuyatatua.

Naibu Waziri Alhamisi aliendelea na ziara hiyo katika Halmashauri ya Wilaya ya Mvomero na kukagua baadhi ya miradi ikiwemo Kibati, Kwadoli na Kagugu. Vilevile, ametembelea bwawa la Mindu na kijijiji cha Lusungu.

on Tuesday, February 11, 2014