Mwanamke mmoja aliyetajwa kwa jina la Constancia John (28) Mkazi wa kijiji cha Ichwankima wilayani Chato mkoani Geita, amefariki dunia baada ya kupigwa na mume wake Joseph Clemence(34) kwa tuhuma ya kumnyima tendo la ndoa.
Tukio hilo limetokea majira ya saa sita usiku wa kuamkia jana baada ya Clemence kumpiga mkewe Constancia na kumburuza kutoka nje hadi kumuingiza ndani, na baadae ya kufariki dunia kutokana na kipigo hicho.
Mashuhuda wa tukio hilo wamesema chanzo cha mgogoro huo ni Clemence ambaye ana wake wawili kuwalazimisha kulala nao chumba kimoja kwa ajili ya tendo la ndoa, jambo ambalo Constancia alilikataa na kusababisha ugomvi huo
Kamanda
wa polisi mkoani Geita kamishina msaidizi mwandamizi Leonard Paul
amedhibitisha kutokea kwa tukio hilo na kueleza kuwa mtuhumiwa
amekamatwa na atafikishwa mahakamani mara baada ya upelelezi kukamilika.
Tukio
hili linakuja ikiwa ni siku chache tu baada ya kuazimisha siku ya
wanawake duniani, huku mojawapo ya agenda kuu ya maazimisho hayo ikiwa
ni kupinga ukatili na udhalilishaji dhidi ya wanawake.
Kufuatia
tukio hilo katibu wa kituo cha sheria na haki za binadamu wilayani
Geita Elineema Charles ametaka hatua kali za kisheria kuchukuliwa dhidi
ya Clemence, na kuwa fundisho kwa wengine kwani kitendo hicho hakivumiliki katika jamii.
Na valence Robert
.jpeg)
Post a Comment