MTOTO WA MIAKA MIWILI AFARIKI DUNIA BAADA YA KUPIGWA NA MAMA YAKE WA KAMBO

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 05.04.2014.

·         MTOTO WA MIAKA MIWILI AFARIKI DUNIA BAADA YA KUPIGWA NA MAMA YAKE WA KAMBO.

·         MWANAFUNZI WA DARASA LA PILI AFARIKI DUNIA AKIWA ANAOGELEA KATIKA MTO CHAPWA.

 JESHI LA POLISI MKOA WA MBEYA LINAMSHIKILIA MTU MMOJA BAADA YA KUPATIKANA NA MALI YA WIZI.

 JESHI LA POLISI MKOA WA MBEYA LINAWASHIKILIA WATU WATATU KATIKA NYAKATI TOFAUTI WAKIWA NA POMBE HARAMU YA MOSHI [GONGO].

·         JESHI LA POLISI MKOA WA MBEYA LINAMSHIKILIA MTU MMOJA AKIWA NA POMBE KALI ZILIZOPIGWA MARUFUKU NA SERIKALI.

KATIKA TUKIO LA KWANZA:

MTOTO MWENYE UMRI WA MIAKA MIWILI ALIYEFAHAMIKA KWA JINA LA FRANSIS MANENO MKAZI WA ITIMBA ALIFARIKI DUNIA WAKATI ANAPATIWA MATIBABU HOSPITALI YA RUFAA MBEYA BAADA YA KUPIGWA SEHEMU MBALIMBALI ZA MWILI WAKE NA MAMA YAKE WA KAMBO AITWAYE HAPPY PETTER (16) MKAZI WA ITIMBA.

TUKIO HILO LIMETOKEA MNAMO TAREHE 04.04.2014 MAJIRA YA SAA 16:30 JIONI HUKO KATIKA KIJIJI CHA ITIMBA, TARAFA YA BONDE LA USONGWE, WILAYA YA MBEYA VIJIJINI. AWALI MNAMO TAREHE 03.04.2014 MAJIRA YA SAA 08:00 ASUBUHI MAMA HUYO ALIMPIGA MTOTO HUYO SEHEMU MBALIMBALI ZA MWILI WAKE NA KUMSABABISHIA MAJERAHA. CHANZO CHA TUKIO HILO BADO KINACHUNGUZWA. MTUHUMIWA AMEKAMATWA. UCHUNGUZI ZAIDI WA TUKIO HILO UNAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI NA JAMII KWA UJUMLA KUTUMIA NJIA ZA BUSARA KATIKA KUWAELEKEZA NA KUWAKANYA WATOTO BADALA YA KUWAPIGA KWANI NI HATARI NA ZINAWEZA SABABISHA MATATIZO.

KATIKA TUKIO LA PILI:

MWANAFUNZI WA DARASA LA PILI KATIKA SHULE YA MSINGI CHAPWA ALIYEFAHAMIKA KWA JINA LA BLANDA CHARLES (09) AMEFARIKI DUNIA BAADA YA KUZAMA KWENYE MTO CHAPWA WAKATI AKIOGELEA.

TUKIO HILO LIMETOKEA MNAMO TAREHE 04.04.2014 MAJIRA YA SAA 12:00 MCHANA HUKO CHAPWA, WILAYANI MOMBA, MKOA WA MBEYA. WAKATI TUKIO HILO LINATOKEA MAREHEMU ALIKUWA AKIOGELEA PEKE YAKE NA MWILI WAKE ULIGUNDULIWA NA MMOJA WA WAPITA NJIA AITWAYE KAPANDA CHISUNGA. MWILI WA MAREHEMU UMEHIFADHIWA KITUO CHA AFYA TUNDUMA UKISUBIRI KUSAFIRISHWA KWENDA MBEYA KWA MAZISHI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANAENDELEA KUTOA WITO KWA WAZAZI/WALEZI KUWA MAKINI NA WATOTO WAO, KUTOWARUHUSU KUFIKA/KUKARIBIA MAENEO YENYE MAJI KAMA VILE MITO NA MABWAWA WAKIWA PEKE YAO KWANI NI HATARI KWA MAISHA YAO. AIDHA ANATOA WITO KWA JAMII KUFUNIKA VISIMA PAMOJA NA KUFUKIA MASHIMO MAKUBWA YALIYOPO KATIKA MAENEO YAO KWANI NI HATARI KWA WATOTO WADOGO HASA KATIKA KIPINDI HIKI CHA MVUA ZINAZOENDELEA KUNYESHA.  

KATIKA TUKIO LA TATU:

MTU MMOJA ALIYEFAHAMIKA KWA JINA LA MASANJA JOHN (32) CLEARING AGENT, MKAZI WA MTAA WA MWAKA ANASHIKILIWA NA JESHI LA POLISI MKOA WA MBEYA AKIWA NA GARI LENYE NAMBA IT 9446 AINA YA TOYOTA PRADO AMBALO NI MALI YA WIZI. 

TUKIO HILO LIMETOKEA MNAMO TAREHE 04.04.2014 MAJIRA YA SAA 15:45 ALASIRI HUKO KATIKA MTAA WA MAJENGO – TUNDUMA, KATA NA TARAFA YA TUNDUMA, WILAYA YA MOMBA, MKOA WA MBEYA.

AWALI MNAMO TAREHE 16.12.2013 GARI HILO LILIKUWA LINASAFIRISHWA KUTOKA DSM KUELEKEA LUSAKA ZAMBIA NA NDIPO LILIIBWA LIKIWA LIMEPAKI KATIKA HOTELI YA SILVER STONE TUNDUMA. THAMANI HALISI YA GARI HILO NI TSHS 21,775,000/=.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHANA NA TAMAA ZA UTAJIRI WA HARAKA KWA NJIA ZISIZO HALALI NA BADALA YAKE WATAFUTE MALI KWA NJIA HALALI KWA KUJISHUGHULIA KATIKA KAZI HALALI.

KATIKA TAARIFA ZA MISAKO:

KATIKA MSAKO WA KWANZA, WATU WAWILI WALIOFAHAMIKA KWA MAJINA YA FAINES MSOMBA (32) MKAZI WA MAWELO NA DAINES ASWILE (28) MKAZI WA MAKONGOLOSI WANASHIKILIWA NA JESHI LA POLISI MKOA WA MBEYA WAKIWA NA POMBE HARAMU YA MOSHI UJAZO WA LITA 21.

WATUHUMIWA HAO WALIKAMATWA KATIKA MSAKO ULIOFANYIKA MNAMO TAREHE 04.04.2014 MAJIRA YA SAA 14:00 MCHANA KATIKA MAENEO TOFAUTI, MTUHUMIWA WA KWANZA ALIKAMATWA KATIKA KITONGOJI CHA MAWELO, KIJIJI CHA MNAZI MMOJA, KATA YA MAWELO, TARAFA YA KIWANJA WAKATI MTUHUMIWA WA PILI ALIKAMATWA KATIKA MTAA WA TRM – MAKONGOLOSI, KATA YA MAKONGOLOSI, TARAFA YA KIWANJA WILAYA YA CHUNYA. WATUHUMIWA NI WAUZAJI NA WATUMIAJI WA POMBE HIYO HARAMU, TARATIBU ZA KUWAFIKISHA MAHAKAMANI ZINAFANYIKA. 

KATIKA MSAKO WA PILI, WATU WAWILI WALIOFAHAMIKA KWA MAJINA YA 1. MARIAM ASAJILE (42) MKAZI WA KYIMO NA 2. ASWILE MWAKIBASA (20) MKAZI WA KIJIJI CHA KALALO WANASHIKILIWA NA JESHI LA POLISI MKOA WA MBEYA WAKIWA NA POMBE HARAMU YA MOSHI[GONGO] UJAZO WA LITA TANO [05].

WATUHUMIWA WALIKAMATWA KATIKA MSAKO ULIOFANYIKA MNAMO TAREHE 04.04.2014 MAJIRA YA SAA 18:00 JIONI HUKO KATIKA KIJIJI NA KATA YA KYIMO, TARAFA YA UKUKWE WILAYA YA RUNGWE MKOA WA MBEYA.  WATUHUMIWA NI WATUMIAJI/WAUZAJI WA POMBE HIYO, MARA TARATIBU ZITAKAPO KAMILIKA WATAFIKISHWA MAHAKAMANI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA MATUMIZI YA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI.

KATIKA MSAKO WA TATU, MTU MMOJA ALIYEFAHAMIKA KWA JINA LA FELEX GEOFREY (20) MKAZI WA KIWIRA – TUKUYU ANASHIKILIWA NA JESHI LA POLISI MKOA WA MBEYA AKIWA NA POMBE KALI ZILIZOPIGWA MARUFUKU NA SEIKALI AINA YA  BOSS KATONI 30 ALIZOKUWA AMEPAKIZA KWENYE PIKIPIKI YAKE YENYE NAMBA ZA USAJILI T.514 CRD AINA YA  T-BETTER.

MTUHUMIWA ALIKAMATWA MNAMO TAREHE 04.04.2014 MAJIRA YA SAA 13:30 MCHANA HUKO KATIKA KIJIJI CHA NGANA, KATA YA NGANA, TARAFA YA UNYAKYUSA WILAYA YA KYELA MKOA WA MBEYA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA MARA MOJA KUJISHUGHULISHA NA USAMBAZAJI NA UUZAJI WA BIDHAA ZILIZOPIGWA MARUFUKU NA SERIKALI KWANI NI KINYUME CHA SHERIA NA ZINA MADHARA KWA AFYA YA MTUMIAJI.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Saturday, April 5, 2014