Balozi Seif awataka vijana kisiwani Pemba kubadilika

  Baadhi ya Vijana wa Chama cha Mapinduzi wa Jimbo la Chake chake Pemba  wakifuatilia hotuba na Mke wa Mjumbe wa Kamati Kuu ya CCM Taifa Mama Asha Suleiman hayupo pichani wakati akizungumza nao kwenye ukumbi wa Hoteli ya Hifadhi Chake chake Pemba.

 Mke wa Mjumbe wa Kamati Kuu ya CCM Taifa Mama Asha Suleiman akibadilishana mawazo na Vijana wa CCM Jimbo la Chake chake katika Kikao cha kutafakari zoezi zima la Kampeni na kuelekea kwenye uchaguzi Mkuu.

  Mjumbe wa Kamati Kuu ya Halmashauri Kuu ya Taifa ya Chama cha Mapinduzi Balozi Seif Ali Iddi akizungumza na Vijana wa CCM Jimbo la Chake chake kwenye Ukumbi wa Hoteli ya Hifadhi Chake chake Pemba.

 Balozi Seif Ali Iddi akipokea baadhi ya Kadi za Wanachama wa Chama cha Wananchi { CUF } walioamua kukihama Chama hicho na kujiunga na Chama cha Mapinduzi hapo Hifadhi Hoteli Chake chake Pemba.

Baadhi ya Vijana wa CCM wakifuatilia hotuba ya Mjumbe wa Kamati Kuu ya CCM, Taifa Balozi Seif hayupo pichani wakati akizungumza nao hapo Hifadhi Hoteli Chake chake Pemba.

Picha na – OMPR – ZNZ

Mjumbe wa Kamati Kuu ya Halmshauri Kuu ya Taifa ya Chama cha Mapinduzi Balozi Seif Ali Iddi amewanasihi Wananchi hasa Vijana wa Majimbo la Kisiwa cha Pemba kubadilika kwa lengo la kuachana na tabia ya kufanywa  ngazi na baadhi ya Watu wakati wa uchaguzi na baadae kuamua kujinufaisha wao binafsi na familia zao.

Alisema  miaka isiyopunguwa ishirini  wananchi hao  wamekuwa wakitumiwa kama vitega uchumi na watu ambao wamekuwa na hulka ya kuwakimbia mara tu baada ya kuwachagua.

Balozi Seif Ali Iddi alitoa nasaha  hizo wakati akizungumza na Vijana wa Chama cha Mapinduzi wa Jimbo la Chake chake wakiwemo pia  wale Vijana walioamua kuacha chama cha Wananchi { CUF } na kujiunga na CCM Mkutano uliofanyika katika Ukumbi wa Hoteli ya Hifadhi Tibirinzi Chake Chake Pemba.

on Monday, October 12, 2015