Wakazi Nyarugusu Geita waandamana kwa madai ya kifo cha mjamzito

Wakazi wa Kijiji cha Nyarugusu wilayani Geita wameandamana hadi katika Zahanati ya kijijini hapo kwa madai ya Nesi kuhusika kusababisha kifo cha mama mjamzito aliyekosa huduma kwa uzembe wa nesi wa zamu.

Inadaiwa kuwa Novemba 18 Marehemu Kabula George alifikishwa katika Zahanati ya Nyarugusu ambapo alipokelewa na Nesi wa Zamu majira ya saa tano usiku.

Nesi huyo alimhudumia na kumwambia asubiri baada ya saa nne na nesi huyo aliondoka na kwenda kulala ambapo Kabula alizidiwa na uchungu bila msaada na hatimaye kufariki.

Majira ya saa mbili baada ya wananchi kupata taarifa ya tukio lilomkuta marehemu Kabula,waliandamana kituoni hapo na kuanza kurusha mawe yalovunja baadhi ya madirisha.

Wananchi wamedai kuwa wamechoshwa na huduma zisizoridhisha na vitendo vya rushwa vilivyokithiri.

Wananchi hao wamedai ili kupata suluhisho la tatizo hilo lazima nesi huyo aondoke kituoni hapo

Tukilage Mhema  Mganga Mfawithi Zahanati ya Nyarugusu amedai hana taarifa za malalamiko waliyoyatoa wananchi.

Wananchi wamegoma kwa maiti kutolewa bila ya manesi hao kuondoka katika kituo hicho.

Huduma zilisimama kwa zaidi ya saa nanae hali iliyopelekea baadhi ya wagonjwa kwenda kutafuta huduma sehemu nyingine.

Baadhi ya viongozi ikiwemo jeshi la Polisi Wilaya lilifika na kukaa na uongozi wa Hospitali na hatimaye kuja na muafaka ulioonekana kukubalika na wananchi.

Kamanda wa Polisi Wilaya ya Geita Ally Wendo amesihi wananchi kutokuvunjwa sheria itakayosababisha vurugu zinazoweza kuleta madhara.

Hatimaye mwili wa Marehemu natolewa na kwenda nyumbani kwa taratibu za mazishi

on Saturday, November 21, 2015