Vifo vya watoto chini ya miaka mitano vyapungua

Vifo vya watoto wenye umri chini ya miaka mitano vimepungua kutoka asilimia 50 hadi kufikia asilimia 90 mwaka huu.

Hayo yalisemwa jijini Dar es Salaam jana na Jacqueline Namfua, Afisa Habari wa Shirika la Umoja wa Mataifa la Kuwahudumia Watoto Duniani (Unicef) wakati wa semina ya waandishi wa habari.

Namfua alisema kuwa vifo vya watoto wachanga chini ya miaka mitano vimepungua kwa kiasi kikubwa ukilinganisha na miaka ya nyuma. Alisema hali hiyo inatokana na wananchi wengi kuelimishwa na kufuatilia huduma za chanjo mara kwa mara.

Aliwataka wananchi washilikiane katika kuhakikisha kila mwenye mtoto anapelekwa kupata chanjo ili kuepuka magonjwa kama surua, pepopunda na polio ambayo yana wanyemelea watoto wenye umri mdogo kuanzia mwaka mmoja nakuendelea.

Hata hivyo, alisema bado kuna changamoto kubwa kuhakikisha vifo vya watoto venye umri mdogo vinapungua hadi kufikia asilimia 100.

Alitoa wito kwa wananchi kuwapeleka watoto katika vituo vya kupata chanjo.

CHANZO: NIPASHE

on Thursday, November 29, 2012