SHEIKH WA MKOA WA DAR ES SALAAMWATAKA WAISLAM NCHINI KUACHA KULALAMIKA MATUMIZI YA TAREHE NA MWAKA WAKISLAM KATIKA SHUGHULI ZA KIJAMII

SHEIKH wa Mkoa wa Dar es Salaam, Alhad Mussa Salum, amewataka Waislam nchini kuacha kulalamika kuhusu matumizi ya tarehe na mwaka Wakislam katika shughuli mbalimbali za kijamii.

Akizungumza na wandishi wa habari jijini Dar es Salaam jana, Alhad, alisema hayo wakati wakuupokea mwaka mpya (1434), suala la matumizi ya tarehe na mwaka huo si la serikali wala dini nyingine bali ni la kwao wenyewe.

Alisema waislam wanapaswa kubadilika kwa kuanza kutumia tarehe hizo, katika shughuli mbalimbali ikiwemo katika kuandikiana barua ziwe za kidugu, kiofisi na hata katika malipo ya mishahara.

Alhad alisema kinachojitokeza katika hilo ni kwamba Waislam wenyewe bado hajaonesha mapenzi ya kuukubali mwaka wao kutokana na kupenda kutumia kalenda za miradi.

Aidha, hakuna haja ya kusherehekea na kuupokea mwaka huo mpya wa Kiislam kila unapofika wakati wenyewe hawautambui ambapo, ili kutambulika ni lazima kila mwislam ahakikishe anatumia tarehe na mwaka kwa ajili ya kumbukumbu za shughuli zote zinazogusa maisha yao.

“Ifike mahala tukubaliane waislam wote kuwa kila mmoja wetu ni lazima atumie tarehe hizi na asiyefanya hivyo asiruhusiwe kuhudhuria sherehe za kuupokea mwaka mpya unapoingia”alisema Alhad.

Alisema utakuta muislam analalamika kuwa mwaka huo hautumiki huku yeye mwenyewe ukifika nyumbani kwake amebandika kalenda hizo za miladi, ingawa siyo ukafiri kutumia kalenda hizo kama inavyodaiwa na baadhi yao.

Katika hatua nyingine, Alhad aliungana na maombi ya baadhi ya taasisi za dini hiyo kwa serikali kuwa Siku hiyo ya mwaka mpya wadini hiyo kuwa ya mapunziko kama ilivyo zile za kalenda ya kawaida iliyozoeleka.

on Monday, December 17, 2012