Mwakyembe aagiza Bandari kufanya kazi kwa masaa 24

 

Waziri wa uchukuzi Dk. Harryson Mwakyembe(pichani), ameuagiza uongozi wa mamlaka ya bandari nchini TPA kutoa taarifa na kumfichua mtu yoyote ndani ya mamlaka hiyo aliyekwamisha mkataba wa ujenzi wa mtambo wa upakuaji wa mafuta SPM wenye uwezo wa kupakua zaidi ya lita 100,000 za mafuta kwa siku.

Sambamba na hilo ameiagiza TPA kuanza kufanya kazi saa 24 kila siku kwa siku saba za wiki ili kusadia kuongeza ufanisi na kupunguza msongamano wa mizigo bandarini

Agizo hilo amelitoa leo jijini Dar es salaam katika ziara fupi bandarini hapo ikwa sambamba na waziri wa fedha Dk. Wiliam Mgimwa, waziri wa viwanda na biashara Dk. Abdalah Kigoda na Naibu waziri wa nishati George Simbachawene.

Waziri wa fedha Dk. Wiliam Mgimwa ametaka mizigo yote inayoingia na kutoka bandarini iwekewe utaratibu mzuri ili kila mzigo ulipiwe kodi kwa lengo la kuongeza mapato ya serikali.

Waziri wa viwanda na biashara Dk. Abdalah Kigoda amesema pamoja na mambo mengine katika kuimarisha utendaji ndani ya mamlaka hiyo, ameutaka uongozi TPA kuzingatia zaidi maadili, na pia ameitaka shirika la viwango Tanzania TBS Kufanya kazi masaa 24 kila siku kwa wiki ili kuongeza ufanisi ndani ya bandari.

Awali akisoma ripoti ya utendaji Kaimu Mkurugenzi Mkuu TPA Madeni Kipande amesema mamlaka hiyo inahitaji zaidi ya Dola bilioni 3 kusadia kuimalisha huduma za mamlaka hiyo ikiwemo uimajishaji wa matumizi ya treni katika usafirishaji wa mizigo kutoka bandarini.

on Saturday, January 19, 2013