Mabondia Maneno Osward kushoto na Japhert Kaseba walipokutana kwa ajili ya kuzungumzia mpambano wao utakaofanyika March 2 katika ukumbi wa DDC Magomeni Kondoa Dar es salaam.
Bondia Maneno Osward akijifua kwa ajili ya mpambano wake wa ubingwa dhidi ya Japhert Kaseba March 2 katika ukumbi wa DDC Magomeni Kondoa Dar es salaam (picha na www.superdboxingcoach.blogspot.com).
 
Na Mwandishi Wetu.
Bondia Maneno Osward ametamba kumchakaza mpinzani wake Japhert Kaseba kunako raundi za awali.
Maneno Oswald maarufu kwa jina la Mtambo wa Gongo amesema yeye yupo fiti na anasubiri hiyo March 2 katika ukumbi wa DDC Magomeni kondoa apate kumshikisha adabu Kaseba akidai ni bondia mchanga sana kwake.
Ametamba kuwa alimkaribisha katika masumbwi na sasa atamstafisha masumbwi yeye mwenyewe kwa kipigo atakacho mpa na atajua kwa nini amepewa jina la mtambo wa Gongo
Katika mpambano huo kutakuwa na mpambano wa uzito wa juu kati ya Josefu Marwa na Alphonce Mchumiatumbo, mpambano unaosubiriwa kwa hamu na mashabiki na wapenzi wa ngumi za uzito wa juu nchini
Mbali na kuwepo mapambano ya ngumi kutakuwa na uuzwaji wa DVD zenye mapambano ya mabingwa wa Dunia akiwemo Manny Paquaio, Floyd Maywherth, Roy Jones, Miguel Cotto, Lennox Lewis na wengine wengi.