"CHADEMA WANATABIA YA NGURUWE, WANAKULA WATOTO WAO"

 

Saumu Kisena akionyesha kitambulisho chake cha kazi ,Saumu ameitumikia Chadema kwa miaka tisa lakini ameshindwa kupata haki zake za msingi kama mfanyakazi, na hivyo ameamua kujiunga na CCM katika mkutano wa hadhara uliofanyika Temeke, chama kinachojali kila Mtanzania,

Katibu wa Halmashauri Kuu ya CCM Taifa anayeshughulikia Itikadi na Uenezi Ndg. Nape Nnauye amewataka vyama vya upinzani na hasa Chadema kuacha kulialia kila siku badala yake wajipange kutoa upinzani wa kweli badala ya maigizo wanayoyafanya.

Saumu Kisena ajiunga rasmi na CCM akitokea Chadema ambapo alifanya kazi kwa miaka tisa na hakupata haki zozote. Pia alieleza namna alivyodhulumiwa haki zake kutokana na kutofautiana na katibu mkuu wa Chadema Dr.slaa



Katibu wa NEC ,Itikadi na Uenezi akihutubia wakazi wa eneo la Temeke .

Mkutano huo umeandaliwa na CCM mkoa wa Dar es salaam kwa lengo la kujibu mapigo ya Chadema waliofanya mkutano wao siku ya jumapili.

Nape alisema, " watani zangu acheni kujiliza kila siku, mnaishia kulialia tu. Mmekuja mwembe yanga nikadhani mna jambo la maana,kumbe kulialia tu! Yaani miaka ishirini ya vyama vingi bado mnajiliza tu? Mtakua lini?"

Nape akawndelea kusema kuwa uteuzi wa kamati kuu ya CCM ni ishara kuwa kazi imeanza,hivyo kujiliza kwao hakuta irudisha nyuma CCM.
" Tumekamilisha uchaguzi na upangaji wa safu ndani ya chama. Safu hii ina kazi kubwa mbili, kwanza kusukuma utekelezaji wa Ilani ya uchaguzi ili kuboresha maisha ya watanzania na kazi ya pili ni kuhakikisha CCM inashinda kwa kishindo 2014 na 2015"! Alisisitiza Nape

Akasema Chadema wameshindwa kukomaa mpaka sasa hata baada ya miaka 20 ya mfumo wa vyama vingi kwasababu wana tabia ya nguruwe ya kula watoto wake yenyewe.
" hawa watani kinachowamaliza ni kuwa na tabia ya nguruwe, nguruwe akishazaa watoto, akishikwa njaa hula watoto wake mwenyewe, sasa wao kila kukicha wanakula watoto wao wenyewe watakomaa lini?"alihoji Nape.

CHANZO:CCM BLOG

on Sunday, February 17, 2013