POLYCARP KARDINALI PENGO ATABIRIWA KUWA PAPA WA KWANZA MWAFRICA KUTOKA TANZANIA..SIFA ZAKE HIZI HAPA

 

Kiongozi wa Kanisa Katoliki nchini Mwadhama Polycarp Kardinali Pengo

  

Kiongozi wa Kanisa Katoliki nchini Mwadhama Polycarp Kardinali Pengo

KIONGOZI wa Kanisa Katoliki nchini Mwadhama Polycarp Kardinali Pengo, ametabiriwa kuwa anaweza kuchaguliwa kuwa kiongozi mkuu wa kanisa hilo duniani anayejulikana kama Baba Mtakatifu au Papa.

Kardinali Pengo anatajwa kuweza kuchaguliwa kuwa Papa kutokana na sababu mbalimbali ikiwemo nafasi yake ya ukardinali, inayomweka kwenye mazingira ya kuwa mmoja wa watakaomchagua kiongozi mpya wa Kanisa Katoliki duniani, ambapo kwa mujibu wa sheria za kanisa hilo yeyote mwenye cheo hicho, anaweza kuchaguliwa kuwa Papa.

Wakizungumza katika mahojiano na Mwananchi Jumapili, baadhi ya waumini wa kanisa hilo nchini, wakiwamo walei, mapadri na maaskofu walimtabiria Kardinali Pengo kushika nafasi hiyo ya juu katika Kanisa Katoliki.

Walisema kuwa kuna sababu za msingi zinazowezesha Kardinali Pengo kutwaa nafasi hiyo kutokana na uzoefu wake katika kazi mbalimbali pamoja na uongozi wa kanisa akishika nafasi mbalimbali kitaifa na kimataifa.

Kwa sasa Kardinali Pengo ni mjumbe pekee kutoka Afrika kwenye Kamati ya Uenezi wa Imani Duniani, ambayo kwa jina la kilatini inajulikana kama Propaganda Fidei.

Kamati hiyo ambayo ina wajumbe tisa kutoka duniani kote ilikuwa ikiongozwa na Kardinali Joseph Ratzinger, ambaye ndiye Papa anayestaafu kwa sasa.

Akizungumza na gazeti hili jana aliyekuwa Makamu Mwenyekiti wa Halmashauri ya Walei Jimbo Kuu la Dar es Salaam, Joseph Selasini alisema kuwa kila nchi duniani ina nafasi ya kutoa Papa Tanzania pia ikiwemo.

Alisema kuwa Kardinali Pengo anaweza kupata nafasi hiyo kwani sheria ya Kanisa Katoliki inasema kuwa kardinali yeyote kutoka duniani kote ni moja ya watu watakaopigiwa kura hivyo kuweza kuwa Papa.

Alisema: “Kwa kawaida nafasi hiyo inawakutanisha makardinali wote duniani, Makao Makuu ya Kanisa Katoliki mjini Roma. Hapo kila mmoja anakaa kwenye chumba chake na kupigia kura jina analolijua yeye.”

Alisema kuwa uchaguzi wa Papa hauna kampeni tofauti na uchaguzi wa kisiasa na kwamba Papa anaweza kupatikana ikiwa mmoja wa makadinali atakuwa amepata theluthi mbili ya kura zitakazopigwa na ikiwa tofauti na kiwango hicho cha kura uchaguzi unaweza kurudiwa.

Akizungumzia zaidi kuhusu nafasi ya Kardinali Pengo alisema kuwa anaweza akapata nafasi hiyo kwani hata yeye ni mmoja ya washiriki wa nafasi hiyo mwenye uzoefu mkubwa wa kuongoza kanisa.

“Yeye ni Mwafrika pekee ambaye ni mjumbe wa wajumbe wa Kamati ya Uenezi wa Imani ya Kanisa Katoliki hilo kati ya wajumbe tisa duniani,” alisema Selasini

Endelea hapa>> http://www.mwananchi.co.tz

on Sunday, February 17, 2013