MVUA ZAKATA MAWASILIANO KATI YA KARATU NA MONDULI

 

MVUA zinazondelea kunyesha katika maeneo mbalimbali nchini zimeasbabisha

kukatika kwa mawasiliano ya barabara kati ya wilaya za monduli na karatu

mkoani arusha baada ya daraja la mMto Kirurumo linaounganisha wilaya hizo

kufunikwa na mawe na kusababisha maji kukata sehemu kubwa ya barabara hiyo

Mvua hizo zinazodaiwa kuanza kunyesha kuanzia saa tisa usiku pia

zimesababisha idadi kubwa ya nyumba katika bonde la mto wa mbu kujaa

maji

waandishi wa habari wameshuhudia asilimia kubwa ya wasafiri wakiwemo

watalii waliokuwa safarini wakiwa wamekwama katika eneo hilo na wengine

wakijaribu kutembea kwa miguu kutafuta namna ya kuunganisha safari bila

mafanikio .

Kufuatia hali hiyo mkuu wa mkoa wa Arusha Magesa Mulongo aliyetembelea

eneo hilo na kujionea hali halisi pamoja na kuelezea hatua zinazochukuwa

na serikali kukabiliana na tatizo hilo amevitaka vyombo vinavyohusika

kutoa vibali vya muda kwa magari ya abiria kutumia njia zingine wakati

matengenezo ya eneo hilo yakiendelea

Bw Mulongo ametaja barabara zinazohitarajiwa kutumika kwa dharura wakati

daraja hilo linashughulikiwa kuwa ni pamoja wasafiri wanaokwenda mwanza,

Musomaa kutumia barabara ya babati kupitia Singida na wanaoenda loliondo

kutumia barabara ya Engaruka

Kwa upande wa wasafiri wanaokwenda karatu wameshauriwa kutumia barabara

inayopitia Bababti , mbulu hadi karatu

Katika hatua nyingine Bw Mulongo amewataka wananchi wanaoishi ndani ya

bonde la mto wa mbu kutii agizo la serikali la kuondoka katika eneo

hilo na kuhamia kwenye maeneo waliyokwisha pangiwa kama hatua ya kuepusha

madhara zaidi

Amesema wananchi hao walishapewa maeneo mengine lakini wamekuwa wagumu

kuhamia hivyo ni vyema wakaona umuhimu wa kuondoka eneo hilo kabla madhara

hayajawa makubwa zaidi

Kwa upande wake meneja wa wakala wa barabara mkoa Arusha Bw Deusi Kakoko

amesema kazi ya kufungua barabara hiyo inaendelea licha ya kuwa inaweza

kuchukuwa zaidi ya siku mbili na kwamba hasara iliosababishwa na mvua

hizo inaweza kufikia zaidi ya milioni 400

Bw Kakoko amefafanua kuwa zaidi ya mita mia mbili za barabara zimekakatika

na kwamba kinachofanyika sasa ni hatua za dharura tu na baada ya hapo

watafanya tahimini upya ya namna ya kudhibii eneo hilo

Kwa upande wao baadhi ya wananchi wameiomba serikali kutaafuta ufumbuzi wa

kudumu wa tatizo hilo kwani licha ya kuwa limekuwa kero ya kudumu

limekuwa likiisababishia serikali hasara ya kujenga daraja kila mwaka .

Slource :Maelezo

on Thursday, March 28, 2013