TCRA KUZIMA MITAMBO YA ANALOJIA ARUSHA NA MOSHI MWISHO WA WIKI HII

 

 

 

 

 

 

……………………………………….

Na Gladness Mushi wa Fullshangwe-Arusha

MAMLAKA ya mawasiliano Tanzania TCRA,imetangaza kuzima mitambo ya Analojia katika mkoa wa Arusha na wilaya ya Moshi mkoani Kilimanjaro ifikapo ,Machi 31,mwaka huu, saa 6 usiku na kwamba taratibu zote za kuzima matangazo yote ya televisheni zimekamilika.

Akizungumza na vyombo vya habari jijini Arusha,mkurugenzi mkuu wa mawasiliano na utangazaji,Habbi Gunze alisema kuwa uzimaji wa mitambo hiyo ni mwendelezo wa zoezi lililoanza rasmi hapa nchini katika jiji la Dar ES Salaa desemba 31 mwaka 2012.

Alisema katika awamu ya kwanza mikoa mingine ambayo uzimaji wa mitambo ya analojia umefanyika ni pamoja na Dodoma,Tanga iliyozimwa januari 31,Mwanza,Februari 31 huku mkoa wa Mbeya ukitajiwa kuzimwa Aprili 30 mwaka huu.
Aidha alisema kuwa katika jiji la Arusha tayari ving’amuzi vya matangazo ya televisheni zaidi ya 50,000 zimeshauzwa kwa watu mbalimbali na kufanya mwitikio wa kuhamia dijitali kwa wananchi kukubalika kwa kasi kubwa.

Alifafanua kuwa elimu inayotolewa na mamlaka hiyo kupitia vyombo mbalimbali vya habari inchini imeongeza kasi ya watu kujiunga na digitali na kueleza kuwa watu zaidi ya asilimia 20% kati ya watu asilimia 24% wanaopata matangazo ya televisheni ya analojia tayari wamejiunga na mfumo huo.

Haata hivyo Gunze alisisitiza kuwa mabadiliko hayo katika awamu hii ya kwanza hayatahusu matangazo kwa njia ya utangazaji wa satelaiti ,waya (cable)na Radio na kuwataka wananchi wasitupe TV zao za analogia bali watumie ving’amuzi ili kupata matangazo.

Awali meneja wa kanda ya kaskazini,Inginia Aneth Matindi alisema kuwa kumekuwepo na changamoto mbalimbali kwa wanachi juu ya uelewa wa matumizi ya ving’amuzi ,ufahamu wa kuingia digitali pamoja na huduma kwa wateja ,ambapo alisema kuwa elimu inahitajika ziaidi ili kuondoa changamoto hizo na kuwapa uwelewa wananchi.

on Thursday, March 28, 2013