HAYA NI MAUZA UZA YA KARNE IRINGA , MJANE AKIMBIA NYUMBA KWA MAUZA UZA YA MOTO KUWAKA MARA KWA MARA .... RIPOTI KAMILI HII HAPA

 

Mali mbali mbali zilizoteketea na kutupwa hapa zikiwa mkaa

Mwenyekiti wa serikali ya mtaa wa Beila Kata ya Kwakilosa mjini Iringa Alen Koma koma akionyesha madaftari ya mwanafunzi mtoto wa mjane huyo aliyekimbia nyumba baada ya kuonekana kimiujiza leo baada ya kupotea toka jana

Diwani wa kata hiyo ya Kwakilosa Hamza Ginga akiwa ameshika mkoba wa mjane huyo uliopotea pamoja na madaftari ya watoto kimiujiza

Hiki ni kitanda kilichoungua kimiujiza na moto huo

Hili ni paa la nyumba hiyo inayoungua kimiujiza kwa zaidi ya mara tano sasa kama inavyoonekana ikiwa salama salimini

Mwanamke Bi. Faraja Chengula (31) na watoto wake akiwa na familia yake pamoja na diwani wa kata ya Kwakilosa mheshimiwa Hamza Ginga na baadhi ya viongozi wa mtaa huo wa Beila baada ya mali katika nyumba yake kuteketea kwa moto wa miujiza .

Mjane Bi Faraja Chengula
...........................................
HUJAFA hujaumbika bado ni kauli ya mwanamke mkazi wa mtaa wa Beila kata ya Kwakilosa katika Manispaa ya Iringa Bi. Faraja Chengula (31) ambae amelazimika kuikimbia nyumba aliyopanga na kwenda kuomba hifadhi kwa kiongozi mmoja wa kidini kama njia ya kujinusuru na mauza uza haya moto kimiujiza umeendelea kumtesa kwa kuteketeza mali mbali mbali bila kuleta madhara kwa binadamu.

Akizungumza na mtandao huu wa www.francisgodwin.blogspot.com leo mwanamke huyo ambae ni mjane aliyepoteza mwenzi wake kwa zaidi ya miaka mitatu sasa alisema kuwa mauza uza hayo ndani ya chumba chake yalianza toka jumatano ya April 17 mwaka huu baada ya kurejea nyumbani na kupatwa na wakati mgumu kutafuta ufunguo wa nyumba ambao ulipotea katika mazingira tata.

Bi. Chengula alisema kuwa mbali ya kupotea ufunguo huo bado aliendelea kushuhudia mauza uza mbali mbali ikiwa ni pamoja na kuibuka kwa moto ambao chanzo chake bado kufahamika na mbaya zaidi moto huo ulikuwa unawake katika kitanda bila kuteketeza godoro na baada ya kuuzima kwa maji bado uliibuka moto mwingine katika mito ya makochi aliyokuwa ameiweka nje ya chumba hiyo.

“ Kweli nashindwa kuelezea ila nilishangazwa zaidi baada ya kuona mito hiyo ya makochi iliyokuwa nje ya chumba ghafla ikiwa ndani ya chumba na kuwaka moto huku nikishuhudia moto huo ukishika kasi na hata nilipojaribu kuzima kwa maji ilishindikana “

Hata hivyo alisema kuwa hadi sasa bado hajatambua miujiza hiyo inatokana na nini kwani toka mume wake amefariki dunia ni zaidi ya miaka miwili sasa na hakuna jambo lolote kama hilo ambalo limepata kujitokeza na kuwa mbaya zaidi mazingira ya moto huo yamekuwa wakimshangaza kila mkazi wa nyumba hiyo yenye wapangaji zaidi ya 10 pamoja na majirani wanaozunguka nyumba hiyo.

Bi.Chengula alisema kuwa wakati mwingine amekuwa akizikuta nguo zake na za watoto wake wawili chooni na baada ya kurejea ndani ya chumba hicho amekuwa akizikuta zikiwa ndani na mara nyingine moto huo umekuwa ukiwaka katika eneo la sokte ya umeme bila sokte hiyo ya plastick kuguswa na moto huo .

“Kweli nashindwa kujua chanzo cha mambo haya kwa sijala kituo cha mtu yeyote na mimi ni mlokole ninayesali kanisa la Kiinjili la Kilutheri Tanzania (KKKT) usharika wa Mlandege na mbali ya kufanya maombi kanisani ila bado mambo haya yameendelea kuniandama na zaidi ya mara tano sasa moto unawake ndani ya chumba changu pekee “

Aidha alisema kutokana na mauza uza hayo kuchukua kasi alilazimika kuwaita waumini wenzake na kufanya maombi katika chumba hicho ila wakati wakiendelea kufanya maombi ghafla walijikuta simu za viganjani zikiwa zimepotea katika mazingira yenye utata na hadi sasa simu hizo hazijapatikana.

Pia alisema kuwa juzi katika mazingira tata madaftari ya wanafunzi yaliyokuwa katika mfuko ,mkoba wake wa mkononi uliokuwa na vitu mbali mbali pamoja na pea moja ya viatu vyake vilipotea katika mazingira tata ila leo April 26 majiar ya saa 2 asubuhi baada ya viongozi wa serikali ya mtaa na diwani kufika eneo hilo wakiwa na mwandishi wa habari hizi vitu hivyo vilionekana eneo ambalo ni jeupe sana pamoja na kuwepo kwa umande katika eneo hilo ila vitu hivyo havikugusa hata tone la umande.

Balozi wa mtaa huo wa Beila Bi. Christina Ndale alisema kuwa nyumba hiyo ambayo imekuwa ikiandamwa na mauza uza hayo ni nyumba Block ‘Y’79 na kuwa wao kama mtaa wamepata kushuhudia mauza uza hayo nab ado wanaumiza vichwa kujua chanzo cha mambo hayo .

Wakati mwenyekiti wa mtaa huyo Alan Koma koma alisema kuwa mauza uza kama hayo si mara ya kwanza kujitokeza katika mtaa huo kwani kwa upande wake pia mambo kama hayo yalipata kumtokea kwa nyumba yake kupigwa mawe usiku kucha na watu wasiofahamika mbali ya kulindwa na askari polisi na wananchi kuzunguka nyumba hiyo kwa ulinzi wa sungusungu ila bado mawe hayo ambayo yalikuwa yakimwagika kama mvua kutoka angani yaliendelea kushambulia nyumba hiyo .

Hivyo alisema suala hilo la mauza uza ni miongoni mwa mambo ambayo yanawatesa wakazi wa eneo hilo hivyo kuwaomba watu wanaojihusisha na imani za kishirikina kwa ajili ya kuwatesa wengine kuachana na masuala hayo.

Diwani wa kata ya Kwakilossa mheshimiwa Hamza Ginga akithibitisha kutokea kwa matukio hayo alisema kuwa yeye kama diwani anashindwa kujua sababu kuu ya mambo hayo japo ana mpango wa kuitisha mkutano ili kukutana na wananchi wake wote kama njia ya kumaliza mauza uza hayo.

Mheshimiwa Ginga alisema kwa sasa wanakusudia kuwaita viongozi wa dini waliopo mjini Iringa kutoka nchini Kenya , Uganda na mwenyeji wao askofu wa kituo cha maombezi na uponyaji cha Overcomers Power Center Dkt Boaz Sollo ali kufanya maombi maalum katika nyumba hiyo na kumtaka mwamake huyo kutoukimbia mtaa kutokana na mauza uza hayo kwani hata kama atahama kama kuna mtu anamfuatilia ataendelea kufanya hivyo.

MWISHO

 

Credits: Matukiodaima Blog

on Friday, April 26, 2013