JERRY SILAA AWAASA VIJANA WA CCM KUWA NA UVUMILIVU KUEPUKA VURUGU ZA WANA CHADEMA

 Mjumbe wa Kamati Kuu na Halmshauri Kuu ya CCM Taifa ambaye pia ni Mstahiki Meya Manispaa ya Ilala Jerry Slaa akizungumza na wasomi  wa vyuo  vikuu Iringa ambao ni makada wa CCM katika hafla ya  kuwaaga leo katika  ukumbi wa Siasa ni Kilimo ,wa kwanza kulia ni kamanda wa UV CCM mkoa wa Iringa Salim Abri Asas ,katibu  wa CCM mkoa ,kushoto kwake ni mwenyekiti wa CCM mkoa  wa Iringa Jesca Msambatavangu 

 makada  wa UV CCM wakimsikiliza Bw Slaa leo 

 Makada wa UV CCM wakiwa katika  hafla  hiyo  leo 

 Mjumbe wa Kamati Kuu na Halmshauri Kuu ya CCM Taifa ambaye pia ni Mstahiki Meya Manispaa ya Ilala Jerry Slaa  amewataka  vijana  wa chama cha mapinduzi (UV CCM)  kuwa mfano kwa vijana  wa kuigwa na  vijana  wa vyama vya upinzani na  kuepuka kuiga tabia za vurugu za  kuchoma mataili  barabrani kama ilivyo kwa  wapinzani.

Slaa amesema  kuwa itapendeza  vijana  wa UV CCM kufanya kazi za kujitolea kwa  kusafisha barabara  ambazo zimechafuliwa na  vurugu  za vyama  vya  upinzani badala ya  kuiga tabia  zao.

Akizungumza na katika mahafali ya  ya  wana umoja  wa  wana vyuo vikuu  ambao ni makada wa CCM mkoa  wa Iringa leo katika  ukumbi  wa Siasa ni  kilimo , Slaa ambae alikuwa ni mgeni rasmi alisema  kuwa  kwa  vijana  wa CCM haipendezi  kujiingiza katika makundi  ya vurugu na   badala  yake wao kuwa mfano  mwema kwa makundi ya  vijana  wa  vyama  vya upinzani ikiwa ni pamoja na kufanya  shughuli za kimaendeleo zaidi.


Pia  alisema  kuwa  kati ya  mambo ambayo kwa upande wake kama mjumbe wa NEC Taifa  ataendelea   kumkumbusha mwenyekiti  wa CCM Taifa  Rais Dkt Jakaya  Kikwete ni pamoja na  kutekeleza ahadi ya kuanzisha mkoa  wa vyuo  vikuu mkoani Iringa.


Alisema ahadi hiyo  ambayo  ilitolewa na chama  atahakikisha  inatekelezwa kabla ya  Rais Kikwete  kuondoka madarakani .


Kuhusu  suala la Machinga   kuendelea  kuchochewa kufanya vurugu katika  eneo la Mashine tatu mjini hapa  Slaa alisema  kuwa  mbinu   hiyo chafu inayotumiwa na  wana siasa kwa ajili ya  kujitafutia umaarufu ni mbinu chafu ambayo  inapaswa  kuepukwa na  wana CCM na  kuendelea  kukemewa kwa  nguvu  zote kwani alisema si njia  sahihi ya  kufikisha ujumbe kwa serikali.

Slaa alisema suala la machinga  si Iringa pekee bali hata  yeye kama  Meya  wa Ilala  jijini Dar es Salaam amekuwa akiwafukuza machinga hao katika maeneo yasiyo takiwa  na kuwa iwapo machinga  watafanya kazi kila mahali  basi itakuwa ni  vurugu  kubwa  na hakuna haja ya  kuwa na sheria  za mipango miji.

Credits: matukio daima blog 

on Saturday, May 25, 2013