JAMHURI YA MUUNGANO WA TANZANIA WIZARA YA MAMBO YA NDANI YANCHI JESHI LA POLISI TANZANIA.
TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 01.12.2015.
- WATU WATATU WAUAWA KATIKA MATUKIO MATATU TOFAUTI WILAYA ZA CHUNYA, RUNGWE NA MBARALI.
- WATU WAWILI WAFARIKI DUNIA KATIKA TUKIO LA AJALI JIJINI MBEYA.
- WATU WANNE WAKAMATWA NA SILAHA MBILI NA NYARA ZA SERIKALI WILAYANI CHUNYA.
- MTU MMOJA AKAMATWA NA NYARA ZA SERIKALI MENO YA TEMBO WILAYA YA MOMBA.
KATIKA LA TUKIO LA KWANZA.
MTU MMOJA MKAZI WA KIJIJI CHA IGUNDU AITWAE SIANA MWANDOLA [48],
ALIUAWA KWA KUPIGWA NA KUNDI LA WANANCHI WALIOAMUA KUJICHUKULIA SHERIA
MKONONI KISHA MWILI WAKE KUCHOMWA MOTO.
TUKIO
HILO LIMETOKEA TAREHE 29.11.2015 MAJIRA YA SAA 23:00 USIKU HUKO KIJIJI
CHA IGUNDU,KATA YA CHOKAA, TARAFA YA KIWANJA, WILAYA YA CHUNYA.
INADAIWA KUWA CHANZO CHA MAUAJI HAYO NI KULIPIZA KISASI KUTOKANA
NA TUHUMA ZA MAREHEMU KUHUSIKA KATIKA MAUAJI YA MWANAMKE MMOJA AITWAE
ROZA KYUSA [63] TAREHE 22.11.2015 MAJIRA YA SAA 02:00 USIKU. UPELELEZI
UNAENDELEA ILI KUWABAINI NA KUWAKAMATA WAHUSIKA WA TUKIO HILI
KAMANDA
WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z.
MSANGI ANATOA WITO KWA JAMII KUACHA TABIA YA KUJICHUKULIA SHERIA
MKONONI, BADALA YAKE WAHAKIKISHE WANAWAFIKISHA KATIKA MAMLAKA HUSIKA
WATU WANAOWAKAMATA KWA TUHUMA MBALIMBALI ILI SHERIA ICHUKUE MKONDO WAKE.
KATIKA TUKIO LA PILI:
MZEE MMOJA MKAZI WA KIJIJI CHA ILOLO, AITWAE BENARD BUJA [79],
ALIKUTWA AMEUAWA NYUMBANI KWAKE NA MTU/WATU WASIOFAHAMIKA KWA KUKATWA
PANGA SHINGONI NA KISHA MWILI WAKE KUTUPWA KWENYE SHAMBA MALI YA THOMAS
MWAMAKASI.
TUKIO HILO LIMETOKEA TAREHE 30.11.2015 MAJIRA YA SAA 09:00HRS KIJIJI CHA ILOLO,KATA YA KIWIRA,TARAFA YA UKUKWE WILAYANI RUNGWE.
INADAIWA KUWA CHANZO CHA MAUAJI HAYO NI IMANI ZA KISHIRIKINA, KWANI MAREHEMU ALIKUWA ANATUHUMIWA KUWA NI MCHAWI KIJIJINI HAPO.
KAMANDA WA POLISI MKOA WA MBEYA KAMISHNA MSAIDIZI MWANDAMIZI WA
POLISI AHMED Z. MSANGI ANATOA WITO KWA JAMII KUACHNA NA TABIA YA KUAMINI
NA KUSADIKI IMANI POTOFU ZA KISHIRIKINA KWANI ZINASABABISHA MADHARA
MAKUBWA KWA JAMII IKIWA NI PAMOJA NA UPOTEVU WA NGUVU KAZI. AIDHA ANATOA
WITO KWA YEYOTE MWENYE TAARIFA JUU YA MTU/WATU WALIOHUSIKA KATIKA TUKIO
HILI AZITOE KATIKA MAMLAKA HUSIKA KWA HATUA ZAIDI ZA KISHERIA.
KATIKA TUKIO LA TATU:
MTU MMOJA MKAZI WA KIJIJI CHA IHENZANA AITWAE NIKO CHAULA [30],
ALIUAWA KWA KUPIGWA NA KUNDI LA WANANCHI WALIOAMUA KUJICHUKULIA SHERIA
MKONONI KISHA MWILI WAKE KUCHOMWA MOTO.
TUKIO HILO LIMETOKEA TAREHE 30.11.2015 MAJIRA YA SAA 17:00HRS
KIJIJI CHA MKUNYWA, KATA YA MADIBIRA,TARAFA YA RUJEWA, WILAYANI MBARALI.
INADAIWA KUWA CHANZO CHA MAUAJI HAYO NI KULIPIZA KISASI KUTOKANA
NA TUHUMA ZA MAREHEMU KUHUSIKA KATIKA TUKIO LA KUPORA PIKIPIKI T.852 DAT
AINA YA YAMAHA MALI YA AIDAN WAYA [19], MKAZI WA ISOKO NA KUMJERUHI KWA
KUMCHOMA KISU TAREHE 29.11.2015 SAA 19:45HRS . UPELELEZI UNAENDELEA ILI
KUWABAINI NA KUWAKAMATA WAHUSIKA WA TUKIO HILI
KAMANDA WA POLISI MKOA WA MBEYA KAMISHNA MSAIDIZI MWANDAMIZI WA
POLISI AHMED Z. MSANGI ANAENDELEA KUTOA WITO KWA JAMII KUACHA TABIA YA
KUJICHUKULIA SHERIA MKONONI, BADALA YAKE WAHAKIKISHE WANAWAFIKISHA
KATIKA MAMLAKA HUSIKA WATU WANAOWAKAMATA KWA TUHUMA MBALIMBALI ILI
SHERIA ICHUKUE MKONDO WAKE.
KATIKA TUKIO LA NNE.
WATU WAWILI WALIOFAHAMIKA KWA MAJINA YA SAMWEL SANGA [24], MKAZI
WA UYOLE NA AMANI SANGA [31], MKAZI WA UYOLE WALIFARIKI DUNIA BAADA YA
GARI WALILOKUWA WAKISAFIRIA LENYE NAMBA ZA USAJILI T.717 CFM AINA YA
M/CANTER ILIYOKUWA IKIENDESHWA NA SAMWEL SANGA KUACHA NJIA, KUPINDUKA NA
KUSABABISHA VIFO VYAO.
TUKIO HILO LIMETOKEA TAREHE 30.11.2015 MAJIRA YA SAA 06:30HRS ENEO LA UYOLE,KATA YA IGAWILO, TARAFA YA IYUNGA JIJINI MBEYA.
CHANZO CHA AJALI HIYO NI MWENDO KASI. MILI YA MAREHEMU IMEHIFADHIWA HOSPITALI YA RUFAA MBEYA.
KAMANDA WA POLISI MKOA WA MBEYA KAMISHNA MSAIDIZI MWANDAMIZI WA
POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA
VYOMBO VYA MOTO, IKIWA NI PAMOJA NA KUZINGATIA /KUFUATA SHERIA/ALAMA NA
MICHORO YA USALAMA BARABARANI ILI KUEPUKA AJALI ZINAZOWEZA KUEPUKIKA.
KATIKA TUKIO LA TANO.
JESHI LA POLISI MKOA WA MBEYA LINAMSHIKILIA MTU MMOJA MKAZI WA
BANANA – DSM AITWAE LUKAS WAMBURA [38] MWENYE SHAHADA YA DHARURA YA
KUSAFIRIA AB-10044029 KWA KOSA LA KUKUTWA NA VIPANDE VINNE VYA MENO
YADHANIWAYO KUWA YA TEMBO VYENYE UZITO WA KILO 8.4 YENYE THAMANI YA DOLA
ZA KIMAREKANI 30,000, SAWA NA TSHS 64,140,000/=.
TUKIO HILO LIMETOKEA TAREHE 30.11.2015 MAJIRA YA SAA 06:00HRS ENEO
LA CUSTOM – MPAKANI TUNDUMA, KATA NA TARAFA YA TUNDUMA, WILAYA YA
MOMBA.
INADAIWA MTUHUMIWA ALIKUWA ANAVUKA MPAKA AKITOKEA NCHI JIRANI YA
ZAMBIA KUINGIA NCHINI NA MZIGO HUO ALIKUWA AMEUFICHA NDANI YA BEGI LAKE
LA NGUO.
KAMANDA WA POLISI MKOA WA MBEYA KAMISHNA MSAIDIZI MWANDAMIZI WA
POLISI AHMED Z. MSANGI ANATOA WITO JAMII KUTOA TAARIFA KATIKA MAMLAKA
HUSIKA PINDI WANAPOMTILIA SHAKA MTU/WATU ILI HATUA ZA HARAKA
ZICHUKULIWE.
KATIKA TUKIO LA SITA.
JESHI LA POLISI LINAWASHIKILIA WATU WANNE KWA KUKUTWA NA SILAHA
MBILI PAMOJA NA NYARA ZA SERIKALI AMBAO NI 1. MOHAMED HUSSEINNDILAVA
[55], MKAZI WA MKWAJUNI 2. NASSORA OMARY [65], MKAZI WA TABORA 3. MWANZA
MTOKAMBALI [39] MKAZI WA NJELENJE NA FRANK JONAS [32], MKAZI WA
BITIMANYANGA.
TUKIO HILO LIMETOKEA TAREHE 30.11.2015 SAA 21:00HRS KATIKA KIJIJI NA KATA YA KAPALALA,TARAFA YA KWIMBA, WILAYA YA CHUNYA.
INADAIWA WATUHUMIWA WALIKUTWA NA SILAHA MOJA AINA YA RIFFLE 416
YENYE NAMBARI C.6539833 NA GOBOLE MOJA LISILOKUWA NA NAMBA, PIA
WALIKUTWA NA NYARA ZA SERIKALI KICHWA KIMOJA CHA PAA, NYAMA YA PAA NA
NYAMA YA SUNGURA VYOTE VIKIWA NA THAMANI YA TSHS 1,176,000/=.
KAMANDA WA POLISI MKOA WA MBEYA KAMISHNA MSAIDIZI MWANDAMIZI WA
POLISI AHMED Z. MSANGI ANATOA WITO KWA YEYOTE MWENYE TAARIFA JUU YA
WAHALIFU WAKIWEMO MAJANGILI KUZITOA KATIKA MAMLAKA HUSIKA ILI HATUA ZA
KISHERIA DHIDI YAO ZICHUKULIWE MARA MOJA.
[AHMED Z. MSANGI – SACP]
KAMANDA WA POLISI MKOA WA MBEYA.
Post a Comment