BANGI ZAMPONZA SNOOP DOGY DOG

Mwanamuziki mkongwe katika medani ya Hip Hop(Muziki wa Kughani) Calvin Broadus maarufu kama SNOOP DOGG amepigwa marufuku kuingia nchini Norway kwa kipindi cha miaka miwili kwa kile kilichosemekana kuwa amejaribu kuingia nchi hiyo uku akiwa amebeba madawa ya kulevya aina ya Marijuana ambayo yamepigwa marufuku katika nchi hiyo.

SNOOP DOGG mwenye umri wa miaka 40 sasa amesema hana mpango wa kukata rufaa kupinga amri hiyo ambayo imetolewa na nchi ya Norway, akiongea kwa nyakati tofauti mwakilishi wa snoop dogg nchini Norway bwana Holger Hagesaeter amesema snoop dogg amekubaliana na maamuzi hayo na kwamba hana mpango wa kukata rufaa kupinga kilichoamriwa.

Mwanamuziki huyo ambaye mwezi uliopita alizuiliwa kuingia nchi ni Norway amesikitishwa sana na kitendo kilichotokea kwa sababu ameshindwa kukonga nyoyo za mashabiki wake wa nchini Norway ambao walikuwa wanamsubiri kwa hamu kubwa. Snoop Dogg alikutwa akiwa na madawa ya kulevya aina ya Marijuana pamoja na kiasi kikubwa cha fedha wakati anajaribu kuingia nchi hiyo.

Watoa habari wa nchini Norway wameripoti kuwa mwanamuziki huyo aliingia katika uwanja wa ndege wa Kjevic uliopo Kristiansand nchini Norway na kwamba alikutwa na Madawa ya kulvywa aina ya Marijuana ya kiasi cha Gramu 9 ambayo yaligunduliwa na mbwa maalumu wa kuzuia uingizwaji wa madawa hayo nchi norway.

Afisa wa uhamiaji nchini Norway pia amethibitisha kutokea kwa tatizo na kuendelea kutanabaisha kwamba Gwiji huyo wa muziki wa Hip Hop duniani amekutwa na kosa la kuingia na kiasi cha Pesa zaidi ya kiasi cha fedha kinachoruhusiwa kuingia nacho nchini humo kwa kosa hilo mwanamuziki huyo amepigwa faini ya fedha za norway Kroner 52,000 swa na kiasi cha fedha za Marekani $8,600.

Hii ni mara ya pili kwa mwanamuziki huyo kukutwa na matatizo ya madawa ya kulevya baada ya mwezi januari mwaka 2012 kukutwa na madawa ya aina hiyo katika jimbo la Texas baada ya msafara wake kufanyiwa uchunguzi alipokuwa anataka kuingia katika mji huo.

Mwanamuziki huyo amekuwa na mlolongo wa matatizo ya kinidhamu baada ya mwaka 1993 kukumbwa na matatizo ambayo yote yamemhusisha na ukutwaji wa madawa aina ya Marijuana pia mwaka 2007 alikutwa na mashitaka ya kukutwa na Silaha kinyume na sheria ya marekani pamoja na kukutwa na madawa ya kulevya aina ya Marijuana

 

chanzo: BS Blog

on Sunday, July 29, 2012