MLIMA KILIMANJARO UMEJAA MAAJABU YENYE MVUTO WA KIPEKEE

Mlima Kilimanjaro unavyooekana ukiwa umezungukwa na uoto wa asili wa misitu huku ukipambwa na Wanyama wa kuvutia


Mlima Kilimanjaro unavyooneka ukiwa angani umezungukwa na theruji ya barafu

Na Emmanuel J. Shilatu

Kilimanjaro ni mlima mrefu kuliko yote Afrika, pia ni wa pili kwa urefu Duniani. Mlima huu uko nchini Tanzania katika Mkoa wa Kilimanjaro. Una urefu wa futi 19,340 (mita 5,895). Hali halisi Kilimanjaro ni zaidi kuliko mlima tu ni kama safu ndogo ya milima mitatu: Kibo, Mawenzi na Shira. Hii mitatu inaonekana kama vilele vitatu vya mlima mmoja hivyo si vibaya kusema Kilimanjaro ni mlima. 

Mlima huu ambao ni mrefu kuliko yote katika Bara la Afrika na wenye barafu katika kilelele chake ingawa, upo kwenye eneo la joto karibu na Mstari wa Ikweta. Mathalani, Kibo ina theluji na barafuto kadhaa ndogo

Kilimanjaro ni volkeno iliyolala kwa sasa. Kwenye kilele cha Kibo gesi bado inatoka. Kumbukumbu ya wenyeji ina habari ya mlipuko takriban mnamo mwaka 1730.

Kilele cha juu cha Kibo kinaitwa Uhuru Peak. Mtu wa kwanza wa kufika kileleni hapo alikuwa Johannes Kinyala Lauwo kutoka Marangu aliyewaongoza Wajerumani Hans Meyer na Ludwig Purtscheller mnamo tarehe 6 Oktoba, 1889 wakati wa ukoloni wa Ujerumani. Wakati ule waliita ncha ya juu "Kaiser-Wilhelm-Spitze" (kijer.:Kilele cha Kaisari Wilhelm) kwa heshima ya Kaisari wa Ujerumani.

Hifadhi ya Mlima Kilimanjaro ni maarufu duniani kutokana na mandhari nzuri ya Mlima Kilimanjaro ambao ni mlima mrefu kuliko yote Afrika na inapatikana katika nchi ya Tanzania. Hifadhi hii ina ukubwa wa kilometa za mraba 755 na iko umbali wa kilometa 45 kutoka Moshi mjini. Kilele cha Kibo chenye urefu wa mita 5895 (futi 19340) ndio kivutio kikubwa kwa wageni kutoka ndani na nje ya nchi kutokana na kufunikwa na theruji.

Mlima huu ni moja kati ya milima ambayo kilele chake hufikiwa kwa urahisi na hivyo kuwa kivutio kikubwa kwa wapanda milima kutoka kila pande za dunia.

Safari ya kupanda mlima huu humpitisha mpandaji katika kanda za hali ya hewa tofauti kuanzia ile ya nchi za tropiti hadi arktiki.

Zaidi ya watalii 20,000 hupanda mlima huu kila mwaka wakiwemo wageni kutoka nje ya nchi na Watanzania. Mpandaji wa mlima huu huhitaji angalau siku tano, siku tatu kupanda na siku mbili kuteremka.

Kuna njia sita ya kupanda mlima Kilimanjaro hadi kileleni. Njia iliyo rahisi na maarufu zaidi ni ile ya kuanzia lango la Marangu, ambako ndiyo makao makuu ya hifadhi.

Wanyama kadhaa hupatikana katika msitu unaozunguka Mlima Kilimanjaro wakiwemo mbega, nyani, nyati, chui, tembo, swala na ndege.

Ndugu zangu Watanzania, Ukiwa katika mandhari ya Mlima Kilimanjaro sio tu utaona mlima bali pia utapata fursa ya kujihisi upo mbugani kutokana na uwepo wa Wanyama wanaozunguka hifadhi hiyo. Kama haitoshi kwenye Mlima Kilimanjaro ni sehemu pekee (kwa Tanzania nzima) utakayoweza kuona Barafu mithili ya theruji nyeupe. Karibuni tuutembelee Mlima Kilimanjaro ili tujionee fahari ya kipekee Tanzania na Barani Afrika.

on Thursday, July 5, 2012