Wabunge wetu na matukio ya kipekee Bungeni

Huku Wabunge wa CCM wakiwa wamekaa, Wabunge wa Chadema waliamua kutoka nje ya ukumbi wa Bunge wakati Rais wa Jamuhuri ya Muungano wa Tanzania, Dk. Jakaya Mrisho Kikwete akianza hotuba yake ya kulifungua rasmi Bunge la 10 kwa madai ya kuwa hawamtambui. Tukio hilo lilitokea mnamo Novemba 18, 2010

tukio la Julai 28, 2011 liliwahusisha Godbless Lema wa Arusha Mjini (ambaye Ubunge wake ulithibishwa na Mahakama haukuwa halali), Tundu Lissu wa Singida Mashariki na Mchungaji Peter Msigwa wa Iringa Mjini walitolewa nje ya ukumbi wa Bunge na Job Ndugai.

Walitolewa muda mfupi baada ya Lema (aliyekuwa Msemaji wa Kambi rasmi ya Upinzani Bungeni kwa Wizara ya Mambo ya Ndani ya Nchi), kumaliza kusoma hotuba yake.

Baada ya Lema kumaliza kuwasilisha hotuba yake, Lukuvi alisimama akiomba kutoa taarifa na pia mwongozo wa Naibu Spika kutokana na hotuba ya Lema kujaa maneno ya uchochezi na yasiyo ya kistaarabu.

Wakati Lukuvi akiendelea kuzungumza, Lema, Lissu na Msigwa  kwa nyakati hiyo hiyo nao pia walitaka kumkatisha Lukuvi ili wao wazungumze lakini Naibu Spika aliwaambia wakae na wazime vipaza sauti vyao, hawakumsikiliza bali waliendelea kuligeuza Bunge kuwa gulio kutoka kuwa mhimili wa dola.

Waliendeleza jeuri yao ya kuvunja sharia hali iliyomlazimu kuchukua hatua ya kuwatoa nje ya Bunge kwa kukiuka kanuni ya Bunge kwa kuzungumza bila ruhusa.

Mbunge wa Nyamagana (CHADEMA) Ezekia Wenje (aliyevaa suti ya rangi ya maziwa) akitolewa nje ya ukumbi wa Bunge na Askari Polisi wa Bunge.

Hiyo ilitokea mnamo Julai 27, 2011 ambapo Mbunge wa Nyamagana, Ezekiel Wenje aliyeomba mwongozo wa Spika kutumia kanuni ya 11 kwa kudai kamati ya uongozi ya Bunge ilifanya uamuzi kinyume na kanuni za Bunge na kukiita kitendo hicho ni “dark market”.

Neno hilo lilimfanya Spika kuchefuka na lugha za maudhi Bungeni zilizo kinyume na kanuni za Bunge na akaamulu atolewe nje. Wenje alijikaanga mwenyewe si kwa kukosea utaratibu wa kuomba mwongozo bali ni kwa kutoa lugha ya maudhi Bungeni.    

Mnamo Juni 15, 2012, Mbunge wa Ubungo, John Mnyika aliendeleza utovu wa nidhamu dhidi ya kanuni za Bunge kwa kutoa lugha ya maudhi na za kejeli ambapo Ndugai alitumia kanuni ya 73 (2) na kumtoa nje ya ukumbi wa Bunge kama anavyoonekana pichani akisindikizwa na Maaskari

on Friday, July 6, 2012