DKT. BILAL NA RAIS DKT SHEIN WATOA MAWAIDHA YA WATU KUTOKUVUNJA AMANI KUPITIA MGONGO WA DINI

Makamu wa Rais

SERIKALI imesema inaanza kuchukua hatua dhidi ya watu wanaotumia

mwavuli wa dini kuleta vurugu zinazotishia amani na usalama wa nchi.

Makamu wa rais Dk. Mohamed Gharib Billal, amesema hayo leo wakati wa

kusherehekea sikukuu ya Eid el Hajji, ambayo kitaifa imeathimishwa

wilyani Mwanga mkoani Kilimanjaro.

 

Akihutubia baraza la Eid, katika masjidi ya Vuchama wilyani Mwanga,

Dk. Billal alisema hivi karibuni kumeibuka wimbi la watu

wanaojihusisha na vurugu za kidini ambazo chanzo chake kimekuwa ni

mgogoro miongoni mwa waumini wa dini.

Dk. Billal alisema kwa kiasi kikubwa vurugu hizo zimechafua sura y

taifa na kuleta taswira mbaya kwa jamii, kutokana na uvunjifu wa amani

na sheria za nchi unaofanywa na kikundi cha watu aliowaita wahuni.

 

Katika hatua nyingine Dk. Billal alisisitiza umuhimu wa taasisi za

dini kujiendesha kwa misingi ya kushauriana na kukubliana masuala

kadhaa ya kiutekelezaji na uendeshaji, ili kuepuka mifrakano

inayojitokeza hivi sasa miongoni mwa pande hizo.

Hata hivyo alisema serikali itaendelea kutimiza wajibu wake wa

kuhakikisa kwamba amani inalindwa ili iweze kuvisaidia vizazi vijavyo

na kuwa na nchi yenye uendelevu wa amani na utulivu.

Naye kaimu mufti wa Tanzania sheikh Ismail Habib Makusanya, wakati

akimkaribisha makamu wa rais kutoa hotuba yake aliiomba serikali

kuharakisha utafiti na uchunguzi utakaowezesha kubaini sababu za

kuvurugika kwa amani na utulivu uliopo.

Alisema kwa kiasi kikubwa migogoro inayojitokeza hivi sasa hususani

ile ya kidini ni tatizo linaloendelea kushika kasi hali inayopelekea

kuwepo uhraka wa kulitatua.

“Amani inaletwa na watu wakiwemo viongozi wa dini na serikali bila

kujali serikali hiyo ni ya Waislam au dini nyingine na serikali hii

sasa inatambua kuwa wajibu wake kuhakikisha kuwa amani inaendelea

kuwepo”, alisema.

Kaimu mufti alisisitiza serikali kutumia vyema vyombo vyake vya ulinzi

na usalama kuchunguza na kuchukua hatua dhidi ya wavunjifu wa amani

kwa haraka na kuchukua hatua zinazostahili kwa wale watakaobainika

kuhusika.

Wakati huo huo ameelezea tishio la aadhi ya wanasiasa wanaotumia

kivuli cha udini kuvuruga amani ya nchi na kutaka nao wachunguzwe na

kuchukuliwa hatua za kisheria kama raia wengine.

Sikukuu ya Eid el Hajji, imeambatana na uzinduzi wa wa msikiti wa

Vuchama pamoja na kuweka jiwe la msingi na uzinduzi wa mfuko wa

kujenga shule ya kituo cha Kiislam cha Vuchama.

Miradi hiyo inatarajiwa kugharimu shilingi bilioni 4.4, ambapo makamu

wa rais Dk. Billal alichangia shilingi milioni tano, akifuatiwa na

viongozi wengine akiwemo waziri mkuu mstaafu Cleopa Msuya, aliyetoa

shilingi milioni moja, huku mbunge wa Mwanga Profesa Jumanne Maghembe

alichangia shilingi milioni moja.

 

Rais wa Zanzibar na Mwenyekiti wa Baraza la Mapinduzi Alhaj Dk.Ali Mohamed Shein,akipokea salamu ya heshma ya kikosi cha polisi FFU,alipowasili katika viwanja vya Salama Bwawani Hotel,akiwa mgeni rasmi katika Baraza la EID EL HAJJ Leo.

********************

Rais wa Zanzibar na Mwenyekiti wa Baraza la Mapinduzi Dkt Ali Mohamed Shein amesema kuwa Serikali kuanzia sasa itamshughulikia ipasavyo mtu yeyote yule atakaye vunja amani ya nchi. Amesema kuwa Wamechoshwa na vitendo vya uvunjivu wa amani Zanzibar hivyo Serikali haitomuonea huruma mtu yeyote atakayediriki kuvunja amani kwani Serikali imesitahamili vya kutosha na sasa iwe basi. Dkt Shein ameyasema hayo leo wakati alipokuwa akihutubia Baraza la Idd-el- Hajj lililofanyika katika ukumbi wa Salama, Hoteli ya Bwawani Mjini Zanzíbar. Amesema kuwa vitendo vilivyofanywa vinavyosadikiwa kuwa ni wafuasi wa Jumuiya ya UAMSHO vimesababisha mali za wananchi kuporwa,kuchomwa moto maskani za CCM kuharibiwa kwa miundombinu ikiwemo barabara na hata kuuwawa kwa Koplo wa Polisi kikosi cha FFU Said Abdulrahman. Amesisitiza kuwa Seikali itafanya kila linalowezekana ili kuhakikisha kwamba wanaohatarisha Usalama na amani wanachukuliwa hatua kwa mujibu wa Sheria. Aidha Dkt. Shein amesema kuwa zitatumiwa sheria na taratibu zilizopo ili kuvishughulikia vitendo vya uvunjifu wa amani vitakavyofanywa au kuchochewa na kikundi chochote kile. Alisisitiza kuwa hapana hata mtu mmoja aliye juu ya Sheria na kwamba kila mtu anapaswa kufuata sheria . Rais Shein amesema kuwa hivi sasa hatua za kisheria zimeshaanza kuchukuliwa,viongozi saba wa Jumuiya ya UAMSHO wameshapelekwa Mahakamani na wengine waliokamatwa na Polisi kwa kufanya fujo nao pia wameshafikishwa Mahakamani. Dkt Shein amewasihi wananchi wachache wenye nia ya kufanya fujo na vurugu,waache kujiingiza kwenye vitendo hivyo kwani kufanya hivyo ni kufanya kosa kwa mujibu wa sheria za nchi na seriakali haitowavumilia kwani ina wajibu wa kusimamia sheria na kuwalinda wananchi. Alisema kuwa hivi sasa Jeshi la Polisi na vyombo vya Ulinzi na usala vinaendelea na Doria katika mitaa mbali mbali ili kuhakikisha kuwa wananchi wanaishi kwa amani na utulivu. Aliwahakikishia wananchi kuwa Mali zao na maisha yao yataendelea kulindwa,Wageni wanahakikishiwa usalama wao na pia mazingira mazuri ya Utalii yataendelea kuwepo. Dkt Shein aliwapongeza wananchi kwa uvumilivu na usatahamilivu kwa kipindi chote cha vurugu na pia kuwa na subra ili kwa pamoja na Serikali waendelee kushirikiana katika kuidumisha amani katika nchi. Alilipongeza Jeshi la Polisi na vyombo vya ulinzi na Usalama kwa kazi nzuri wanayoifanya katika kulinda amani ya nchi. Pia Dkt Shein alitoa mkono wa Pole kwa wananchi wote waliopoteza mali zao au kupata athari za aina yoyote ile kutokana na fujo na vurugu hizo zilizotokea .
IMETOLEWA NA IDARA YA HABARI MAELEZO ZANZIBAR 26/10/2012

on Friday, October 26, 2012