MHE. THOMAS NYIMBO AWAANIKA MAWAZIRI NA MANAIBU WAZIRI WAVIVU

Aliyepata kuwa mbunge maarufu kwa chama cha mapinduzi (CCM) wakati wa serikali ya Rais Benjamin Mkapa na kuamua kukihama chama hicho na kujiunga na Chadema mwaka 2010 baada ya kuchakachuliwa matokeo yake Bw Thomas Nyimbo ameendelea kufunguka zaidi baada ya kujiengua kuwa mlezi wa Chadema mikoa ya nyanda za juu kusini ,

Nyimbo amesema serikali ya CCM inayumbishwa na watendaji wake na kuwa Rais Jakaya Kikwete amekuwa akikwamishwa na wasaidizi wake ambao ni mawaziri na manaibu waziri aliowateua

Akizungumza na mtandao huu wa www.francisgodwin.blogspot.com wakati wa mahojiano maalum yaliyofanyika Jijini Mbeya jana Nyimbo alisema kuwa CCM imeendelea kuchukiwa kutokana na utendaji mbovu wa mawaziri na manaibu waziri na viongozi wa kata ,wilaya na mikoa ambao baadhi wamegeuka kuwa mchwa na kufanya ufisadi badala ya kusaidia wananchi wao.


Alitaja wizara ambazo mawaziri wake wanafanya kazi nzuri katika kumsaidia Rais Jakaya Kikwete kuwa ni pamoja na wizara ya ujenzi inayoongozwa na Dkt John Magufuli, wizara ya Ardhi, Nyumba na Maendeleo ya Makazi inayoongozwa na waziri Prof. Anna Tibaijuka, wizara ya Uchukuzi inayoongozwa na Dkt. Harrison G. Mwakyembe,Waziri wa Nishati na Madini Profesa Sospeter Muhongo, Waziri wa Maliasili na Utalii Balozi Khamis Kagasheki

Aidha Nyimbo amempongeza waziri wa nchi ofisi ya waziri mkuu sera na uratibu wa bunge Wiliam Lukuvi kwa kazi nzuri anayoendelea kuifanya na kuwa iwapo nafasi hiyo angeteuliwa mtu asiyemchapakazi na makini nchi yawezekana kabisa waziri serikali iliyopo madarakani ingekuwa imevunjwa kutokana na mikikimikiki inayoendelea bungeni mjini Dodoma .

Hivyo Nyimbo alisema kuwa mawaziri na manaibu mawaziri wanapaswa kufanya kazi hiyo kwa umakini zaidi ili kuwatumikia wananchi bila kumuangusha Rais Kikwete aliyewateua.

Wakati huo huo Nyimbo alisema kuwa ipo haja ya Tanzania kuwa na sera ya nchi pamoja na kuwa na wagombea binafsi wasiofungamana na vyama vya siasa ili kuwawezesha wagombea hao kuwatumikia zaidi wananchi na Taifa badala ya kuvitumikia vyama vya siasa ambavyo vyama vilivyovingi vimeanzishwa chumbani kwa kushauriana mume na mke na baada ya hapo kuvisajili na kutafuta wafuasi zaidi .

on Tuesday, October 30, 2012