Mandela atoka hospitalini.

Rais Mstaafu wa Afrika ya Kusini Bw Nelson Mandela ametoka Hospitali ambako alikuwa akitibiwa figo na kibofu, msemaji wa serikali amethibitisha, hata hivyo atakuwa akipata matibabu mengine ya kiafya akiwa nyumbani kwake.

Mandela alikuwa hospitalini tangu Desemba 8 na amekuwa akiripotiwa mara kwa mara kuendelea vema lakini madaktari wamekuwa wakifanya kazi ya ziada kuhakikisha afya yake inakaa sawa kutokana pia na umri wake

Baba huyo wa taifa la Afrika ya kusini ametolewa jana na atakuwa katika uangalizi wa hali ya juu akiwa nyumbani kwake katika jiji la Johannesburg katika eneo la Houghton mpaka hapo madaktari watakaporidhika. Msemaji kutoka ofisi ya Rais Mac Maharaj alisisitiza.

Juzi, Rais Jacob Zuma, alikuwa ni miongoni mwa watu walioungana na mke wa Mandela, Bi Graca Machel kumtakia Krismas njema Bwana Mandela katika tafrija fupi iliyofanyika hospitalini alikokuwa amelazwa katika mji mkuu wa nchi hiyo wa Pretoria.

Maharaj amechukua wasaa huu kuwashukuru wananchi na vyombo vya habari ambavyo vimekuwa vikitoa ushirkiano katika kipindi chote cha matatizo ya kiafya ya bwana Mandela

on Thursday, December 27, 2012