WAZIRI MUKANGARA AWATEMBELEA VIJANA NA SACCOS ZILIZONUFAIKA NA FEDHA ZA MKOPO WA MFUKO WA VIJANA MKOA WA MWANZA

Waziri wa Habari, Vijana, Utamaduni na Michezo Dk. Fenella Mukangara akiongea jambo na Mkurugenzi Msaidizi kutoka Idara ya Maendeleo Vijana James Kajugusi (aliyevaa suti ya blue) jana mara baada ya kumaliza kuwatembelea vijana wajasiriamali wa soko kuu la jijini Mwanza ambao walipata mkopo kutoka mfuko wa vijana kupitia Halmashauri ya jiji. Waziri Dk. Mukangara aliwatembelea wajasiliamali hao ili kuona fedha walizopata zimewasaidiaje kama kundi la vijana na kijana mmojammoja.

Mwenyekiti wa SACCOS ya Wafanyabiashara Wadogowadogo Mkoa wa Mwanza (WADOKI) Mussa Ally akimuonyesha Waziri wa Habari, Vijana, Utamaduni na Michezo Dk. Fenella Mukangara (kulia) mfano wa jengo wanalolitarajia kujenga hivi karibuni kama kitega uchumi chao jana jijini Mwanza. SACCOS hiyo ilipata mkopo kutoka mfuko wa vijana mwaka 2009 fedha ambazo waliwakopesha vijana wanachama 12.

Waziri wa Habari, Vijana, Utamaduni na Michezo Dk. Fenella Mukangara (kushoto) akiongea jambo na Songaleli Mzee (kulia) ambaye ni mfanyabiashara wa soko kuu la jijini Mwanza aliyepata mkopo kutoka mfuko wa vijana na kufanya biashara ya nafaka. Katikati ni Edward Kabululu ambaye ni Mwenyekiti wa Mwanza SACCOS ambayo ni moja kati ya 14 za mkoa wa Mwanza zilipata fedha za vijana mwaka 2009 na kumpatia mkopo Mzee.

Waziri wa Habari, Vijana, Utamaduni na Michezo Dk. Fenella Mukangara (katikati) akiongea na wafanyakazi wa SACCOS ya Wafanyabiashara Wadogowadogo Mkoa wa Mwanza (WADOKI) jana jijini Mwanza juu ya umuhimu wa kuwahimiza wanachama wao hasa vijana kuitumia mikopo wanayoipata katika shughuli za kilimo cha chakula, ufugaji wa samaki na uvuvi ili kuisaidia nchi kuepukana na tatizo la njaa. Kulia ni Mkurugenzi Msaidizi kutoka Idara ya Maendeleo ya Vijana James Kajugusi na kushoto ni Mwenyekiti WADOKI SACCOS Mussa Ally.

Waziri wa Habari, Vijana, Utamaduni na Michezo Dk. Fenella Mukangara (kulia) akimuangalia mteja akisukwa nywele katika Saluni ya Juvee Kanuzile (hayupo pichani) ambaye alipata mkopo kutoka mfuko wa vijana kupitia halmashauri ya jiji mwaka 2009 na kufanya biashara ya saluni. Waziri Dk. Mukangara alitembelea saluni hiyo ili kuona fedha alizopata Kanuzile zimemsaidiaje kama kijana. 

Waziri wa Habari, Vijana, Utamaduni na Michezo Dk. Fenella Mukangara (katikati) akimsikiliza Jummanne Izengo (kulia) ambaye alimueleza jinsi alivyonufaika na mkopo alioupata kutoka mfuko wa vijana ambao umemuwezesha kununua mashine ya kusaga nafaka, kulia ni Mkurugenzi Msaidizi kutoka Idara ya Vijana James Kajugusi . Waziri Dk. Mukangara alimtembelea Izengo jana katika eneo lake la biashara lililopo Mwaloni jijini Mwanza ili kuona fedha alizopata zimemsaidiaje kama kijana.Picha na Anna Nkinda – Maelezo

on Saturday, December 22, 2012