RAIS Jakaya Kikwete, amefanya uteuzi wa mwenyekiti na wajumbe wa Kamati ya
Utendaji ya TASAF kwa kipindi cha miaka mitatu.Taarifa iliyotolewa jana na Ofisi ya Katibu Mkuu Kiongozi, Balozi Ombeni Sefue, kupitia Kurugenzi ya Mawasiliano ya Rais, Ikulu, ilisema kuwa uteuzi huo umeanza Desemba 20, 2012.
Kwa mujibu wa taarifa hiyo, Peniel Lyimo, ambaye ni Katibu Mkuu Ofisi ya Waziri Mkuu ameteuliwa kuwa mwenyekiti wa kamati hiyo.
Wajumbe walioteuliwa ni Dk. Khalid Salum Mohamed ambaye ni Katibu Mkuu, Ofisi ya Makamu wa Pili wa Rais Zanzibar na Amran Masoud Amran ambaye ni Ofisa Mdhamini (Pemba), Ofisi ya Makamu wa Pili wa Rais, Zanzibar.
Wengine ni January Kayumbe kutoka Idara ya Umwagiliaji, Wizara ya Kilimo, Chakula na Ushirika, Winfrida Nshangeki, Mkurugenzi Idara ya Serikali za Mitaa (Tamisemi) na Nyancheghe Anna Konyo Nanai, Mkurugenzi Msaidizi, Idara ya Maafa, Ofisi ya Waziri Mkuu.
Taarifa hiyo pia iliwataja Ally Msaki Ahmed ambaye ni Mkurugenzi Msaidizi Soko la Ajira, Wizara ya Kazi na Ajira, Constansia Gabuse, Mkurugenzi Msaidizi Jinsia, Wizara ya Maendeleo ya Jamii, Jinsia na Watoto.
Wengine ni Ened Munthali, Mratibu wa Sera na Mipango, Ofisi ya Rais, Ikulu, Mariam Ally ambaye ni Mchumi Mkuu, Idara ya Sera na Mipango, Wizara ya Afya na Ustawi wa Jamii na Hussein Mativila – Mhandisi, Wizara ya Ujenzi.
Wajumbe wengine waliotajwa ni Jerome Buretta– Kamishna Msaidizi, Fedha za Nje, Wizara ya Fedha na Uchumi, Zuberi Samataba–Mkurugenzi, Elimu ya Msingi, Wizara ya Elimu na Mafunzo ya Ufundi na Abbass Kandoro – Mkuu wa Mkoa wa Mbeya.
Chanzo: Tanzania Daima
Post a Comment