AJALI TENA MOROGORO AFARIKI HAPOHAPO, WANANCHI WAFUNGA BARABARA

 

Wimbi la ajali ambalo limeukumba mji wa Morogoro kwa siku zakaribuni jana usiku ilitokea tena ajali ambazo zinaendelea kuangamiza maisha ya wananchi wa morogoro na watanzania kwa ujumla. Kwa Mujibu wa mashuhuda wa ajali hiyo Mwanamke mmoja ambaye jina lake halikupatikana mara moja,anayekadiriwa kuwa na umri wa kati ya miaka 18-20 amegongwa na Fusso na kupasuka kichwa eneo la Kihonda barabara kuu ya Morogoro-Dodoma jana majira ya saa nne usiku.

Mwili wa marehemu ukiwa bado eneo la tukio jana usiku

Baada ya kutokea tukio hilo wananchi walifunga barabara kwa kutanda katikati ya barabara hiyo kwa lengo la kuzuia magari yasiendelee na safari mpaka pale jeshi la polisi walipofika eneo latukio hilo.

Baada ya muda tulimshuhudia mama mzazi wa binti huyo akiangua kilio eneo la tukio baada ya kumtambua mtoto wake huyo

on Wednesday, April 3, 2013