 |
| PICHA MAKTABA |
WATU watatu wamefariki dunia mkoani Kagera katika matukio mawili tofauti likiwamo la watoto wawili waliokufa papo hapo baada ya kukatwa kwa panga. Kamanda wa Polisi mkoani Kagera, Philip Kalangi alisema kuwa katika tukio la kwanza juzi, Salvatory Sylvester (30) aliwaua kwa kuwakata kwa panga watoto wawili wa familia moja.
Alisema wakati wa tukio hilo kijana huyo aliwajeruhi watu wengine wawili akiwamo mama yake mzazi, katika kitongoji cha Buyango Kijiji na Kata ya Kamachumu wilayani Muleba.
Watoto waliouawa kuwa ni Kelvin Antidius (3) na Julieth Juliani mwenye umri wa miezi mitano, na waliojeruhiwa ni Valentina Sylvester (69) ambaye ni mama mzazi wa mtuhumiwa na Kabyemela Sylvester (7) mwanafunzi wa darasa la kwanza shule ya msingi Kamachumu “B”.
Alisema kabla ya tukio hilo mtuhumiwa ambaye alikuwa kijijini hapo kwa ajili ya kutibiwa akitokea Kijiji cha Kikomero alimwambia baba yake kuwa alitaka kurudi kwake na baba yake alimueleza asubiri amtengenezee baiskeli.
Kamanda Kalangi alisema kuwa baada ya baba yake kwenda kutengenezesha baiskeli, kijana huyo alichukua panga na kuwakatakata watu hao wa familia moja .
Alisema, baada ya kuwakata watu hao alimfuata pia baba yake ili naye amkate lakini yeye kwa kushirikiana na wananchi waliweza kukabiliana naye na kumkamata na kumfunga kamba.
Alisema kuwa taarifa za awali zimebaini kijana huyo alikuwa na tatizo la ugonjwa wa akili.
Katika tukio la pili, mwanafunzi wa kidato cha pili shule ya sekondari Kagemu, Humud Buruan (17) alifariki dunia baada ya kuchomwa kwa mwavuli katika jicho la kushoto na Michael Angisha (16) ambaye pia mwanafunzi wa kidato cha tatu katika shule hiyo.
Kamanda alisema wanafunzi hao wakiwa wanatoka shuleni njiani walianza kutaniana hali iliyosababisha Michael kukasirika na kumchoma mwenzake kwa mwavuli.
MTANZANIA
Alisema wakati wa tukio hilo kijana huyo aliwajeruhi watu wengine wawili akiwamo mama yake mzazi, katika kitongoji cha Buyango Kijiji na Kata ya Kamachumu wilayani Muleba.
Watoto waliouawa kuwa ni Kelvin Antidius (3) na Julieth Juliani mwenye umri wa miezi mitano, na waliojeruhiwa ni Valentina Sylvester (69) ambaye ni mama mzazi wa mtuhumiwa na Kabyemela Sylvester (7) mwanafunzi wa darasa la kwanza shule ya msingi Kamachumu “B”.
Alisema kabla ya tukio hilo mtuhumiwa ambaye alikuwa kijijini hapo kwa ajili ya kutibiwa akitokea Kijiji cha Kikomero alimwambia baba yake kuwa alitaka kurudi kwake na baba yake alimueleza asubiri amtengenezee baiskeli.
Kamanda Kalangi alisema kuwa baada ya baba yake kwenda kutengenezesha baiskeli, kijana huyo alichukua panga na kuwakatakata watu hao wa familia moja .
Alisema, baada ya kuwakata watu hao alimfuata pia baba yake ili naye amkate lakini yeye kwa kushirikiana na wananchi waliweza kukabiliana naye na kumkamata na kumfunga kamba.
Alisema kuwa taarifa za awali zimebaini kijana huyo alikuwa na tatizo la ugonjwa wa akili.
Katika tukio la pili, mwanafunzi wa kidato cha pili shule ya sekondari Kagemu, Humud Buruan (17) alifariki dunia baada ya kuchomwa kwa mwavuli katika jicho la kushoto na Michael Angisha (16) ambaye pia mwanafunzi wa kidato cha tatu katika shule hiyo.
Kamanda alisema wanafunzi hao wakiwa wanatoka shuleni njiani walianza kutaniana hali iliyosababisha Michael kukasirika na kumchoma mwenzake kwa mwavuli.
MTANZANIA
Post a Comment