TRA YAWAFUNDA WASANII JUU YA ULIPAJI WA KODI

 

Mahmoud Ahmad Arusha

Mamlaka ya mapato Tanzania(TRA)imetoa elimu ya mlipa kodi kwa wasanii wa filamu na mziki wa mkoa wa Arusha ilikuweza kudhibiti wizi wa mapato yatokanayo na kazi za wasanii hapa nchini.

 

Akizungumza na vyombo vya habaribaada ya kuwezesha kutoa mafunzo kwa wasanii wa mkoa wa Arusha  afisa mwandamizi huduma kwa walipakodi makao makuu Msafiri Mbibo amesema kuwa wapo katika mchakato wa kuhakikisha uchumi unakuwa kwa kuchukuwa hatua mbali mbali za kuhakikisha wanaziba mianya iliyokuwa ikilikoseha taifa mapato.

 

Mbibo alisema kuwa wizi wa kazi za wasanii imekuwa ndio njia ya kulikosesha taifa mapato na kuwaacha wenye haki miliki wakiendelea kufa maskini huku wauzaji wakinufaika na jasho la wanyonge.

 

Akawataka  wasanii kuchukuwa hatua za kuweza kudhibiti kazi zao kwa kuziweka stamp za mamlaka hiyo kwani stamp hizo zinauzwa kwa tsh 44 tu kwa cd pamoja na box lake mkizembea mtakuwa mmetoa mianya kwa watu mbali mbali kujinufaisha kwa njia isiyo halali kutokana na kazi zenu.

 

“unajua Tanzania inaendelea kuchukuwa hatua mbali mbali za kuinua uchumi wake na katika njia hizo hii ni mojawapo inayolikosesha taifa mapato na kuwanufaisha watu wachache tena wezi wa haki miliki za kazi za wasanii”alisema Mbibo.

 

Imeonekana kuwa wizi wa kazi za wasanii kwa njia ya kughushi na kusambaza ni moja ya changamoto zinazowakabili wadau wa tasnia hiyo ikiwemo utengenezaji  wa mikataba ya kinyonyaji inayowafanywa na watu wenye nguvu ya kiuchumi kwa wasanii hapa nchini hivyo kukosa mapato stahiki ya kazi zao.

 

Kazi za wasanii hawa zimekuwa zikiburudisha kuelimisha na vile vile zimekuwa zikichangia kwa ujumla uchumi wa taifa letu kwa njia ya kuuza nje na hapa ndani ya nchi bidhaa hizo na kuinua uchumi endelevu kwa baadhi ya wasanii  wengi wao kuendelea kunyonywa kazi zao.

 

Kuanzia sasa wauzaji na watengenezaji watalazimika kulipia kodi kwa kuweka stamp katika cd zitokazo nje na ndani ya nchi ilikuweza kuokoa fedha zinazopotea kutokana na kudurufu kazi za wasanii hapa nchi na wa nje ya nchi.

 

Huku serekali ikiendelea kuchukuwa hatua mbali mbali katika kuboresha na kuinua uchumi kwa kutoa mafunzo kwa wadau mbali mbali hatua zinazofikiwa kati kufikia uundaji wa mfumo husika utakaodhibiti mapato ya kazi za wasani hapa nchini iliwaweze kunufaika na kazi zao.

 

Kazi zao baada ya kusajiliwa kwenye mamlaka husika ikiwema COSOTA NA BASATAhuku wasanii wa filamu wakijisajili Bodi ya filamu Tanzania na Cosota na baada kupatiwa stamp za TRA

on Tuesday, August 6, 2013