Elimu ni nyenzo ya kupambana na VVU, dawa za kulevya kwa Vijana – Mama Salma Kikwete

 

Mama Salma Kikwete akipewa zawadi ya mkanda wa kimasai toka kwa mmoja wa wazee wa kimasai ikiwa kama zawadi kwa Mheshimiwa Rais Kikwete.

Chifu wa Kimasai Tikwa Morezo (Oloiboni) akizungumza kwa niaba ya wazee wa Kimasai.

Baadhi ya wageni waalikwa wakifuatilia tukio hilo la warsha ya viongozi wa Kimila wa jamii ya wafugaji.

Mgeni Rasmi Mama Salma kikwete akiwa kwenye picha ya pamoja na baadhi ya wageni waalikwa.

.asilimia 40 ya watoto wa kike kukosa fursa ya elimu nchini

Na Damas Makangale, Moblog

Mama Salma kikwete amesema kuwa elimu ni msingi utakaomwezesha kijana kujiepusha na changamoto za aina mbalimbali kama mimba za utotoni, maambukizi ya VVU na dawa za kulevya.

Akizungumza kwenye uzinduzi wa warsha ya viongozi wa Kimila wa jamii ya wafugaji jijini Dar es Salaam, Mama Kikwete amesema elimu inamuwezesha kijana kutumia fursa za maendeleo ya kiuchumi zilizopo hapa nchini.

“kwa bahati mbaya sana kutokana na sababu mbalimbali wasichana wameachwa nyuma sana katika fursa za elimu kuanzia elimu ya sekondari hadi vyuo vikuu,,” amesema

Mama Kikwete alifafanua kwamba kwa kiasi kikubwa katika maeneo ya vijijini ambapo asilimia 40 ya watoto wa kike wanakosa fursa ya kupata elimu ukilinganisha na asilimia 29 ya watoto wa kiume waliokosa fursa ya elimu.

Amesema wasichana zaidi ya 55,000 wamekuwa wakifukuzwa shule kwa sababu mbalimbali ikiwemo ya ujauzito katika kipindi cha muongo mmoja uliopita.

on Sunday, November 10, 2013